МІНСК, 5 ліп — Sputnik. Дні культуры Украіны будуць праходзіць у Беларусі з 5 па 10 ліпеня, паведамілі ў прэс-службе Мінскага гарадскога выканаўчага камітэта.
Адкрыецца мерапрыемства канцэртам у Палацы Рэспублікі ў сем гадзін вечара ў чацвер. У фае пляцоўкі на працягу свята будзе даступная выстава вырабаў ад народных майстроў.
Выступаць будуць папулярныя эстрадныя зоркі, у ліку якіх Ціна Караль, Злата Агневіч, Алег Віннік, а таксама Нацыянальны заслужаны акадэмічны ансамбль танца Украіны імя П. Вірскага.
У рамках Дзён культуры Украіны ў рэспубліцы беларусы таксама змогуць пазнаёміцца з нацыянальнымі украінскімі стравамі і напоямі. Пройдуць тэатралізаванае шоу і майстар-класы ад кавалёў, ганчароў, керамістаў і іншых рамеснікаў.
