МІНСК, 6 ліп — Sputnik. Украіна гатовая перадаць Расіі 13 чалавек, у тым ліку кіраўніка РІА "Новости Украина" Кірыла Вышынскага, заявіла журналістам першы віцэ-спікер Вярхоўнай рады Ірына Герашчанка.
Раней расійскі амбудсмен Таццяна Маскалькова паведаміла, што гутарыла па тэлефоне з упаўнаважаным Вярхоўнай рады Людмілай Дзянісавай з нагоды абмену, у прыватнасці, Вышынскага.
"Сёння я дашлю афіцыйны ліст прадстаўніку РФ у трохбаковай кантактнай групе Грызлову са спасылкай на ліст Маскальковай, што мы гатовыя разглядаць гэтых грамадзян як тых, каго можам перадаць для вызвалення ўкраінцаў", — сказала Герашчанка у інтэрв'ю агенцтву УНН.
Вышынскі быў затрыманы 15 мая, калі прайшлі ператрусы ў офісе РІА "Новости Украина" ў Кіеве. Вышынскаму ўлады Украіны ставяць у віну дзяржаўную здраду і падтрымку самаабвешчаных ДНР і ЛНР. Гендырэктар МІА "Россия сегодня" Дзмітрый Кісялёў у адказ на гэта запатрабаваў вызваліць Вышынскага і спыніць пераслед СМІ. А МЗС РФ назваў самаўпраўнасцю дзеянні Кіева ў дачыненні да ўкраінскага бюро РІА "Новости".
