З 10 жніўня ўступае ў сілу беларуска-кітайскае пагадненне аб узаемным бязвізавым рэжыме для грамадзян, уладальнікаў звычайных пашпартоў. Навіну пракаментаваў эксперт Інстытута вывучэння міжнародных адносінаў пекінскай Акадэміі грамадскіх навук Дзмітрый Белякоў.
"З майго пункту гледжання, перш за ўсё выйграе кітайскі бок у частцы сваіх інтарэсаў у Беларусі і Еўразійскім саюзе — паток бізнесменаў і чыноўнікаў з Кітая стане больш інтэнсіўным. Беларускі бок атрымае магчымасць наведваць Кітай без неабходнасці аплаты візы. Варта адзначыць, што Кітай вядзе бязвізавую палітыку з краінамі, з якімі плануе весці доўгатэрміновую палітыку і адносна якіх мае сур'ёзныя планы", — сказаў эксперт.
Каментар Дзмітрыя Белякова слухайце ў аўдыёзапісе на радыё Sputnik Беларусь.
