МІНСК, 30 ліп — Sputnik. Рэгістрацыю замежнікаў у АУС праз інтэрнэт плануецца ўвесці з 2019 года, паведаміў начальнік Дэпартамента па грамадзянстве і міграцыі МУС Аляксей Бягун у эфіры тэлеканала АНТ.
На мінулым тыдні прэзідэнтам Беларусі Аляксандрам Лукашэнкам быў падпісаны ўказ, які дазваляе замежнікам знаходжанне ў краіне без візы тэрмінам да 30 сутак (пры ўмове іх ўезду і выезду праз Нацыянальны аэрапорт Мінск).
Пры гэтым яны павінны зарэгістравацца ў аддзелах па грамадзянстве і міграцыі МУС на працягу 5 дзён.
"Мы ўнеслі прапанову аб тым, каб перайсці на працэдуру рэгістрацыі праз інтэрнэт. Думаю, што з наступнага года такая паслуга ўжо будзе рэалізавана для замежнікаў, якія часова знаходзяцца на тэрыторыі Беларусі", — сказаў Бягун.
У выпадках, калі прыезджы будзе пражываць у аграсядзібе, гасцініцы, санаторыі або скарыстаецца паслугай тых арганізацый, якія ўпаўнаважаны праводзіць падобную працэдуру, рэгістрацыю яму праходзіць самастойна будзе не трэба.
Па словах Бягуна, у рамках бязвізавага рэжыму ў Беларусі за 1,5 года пабывала 140 тысяч замежных грамадзян. Пры гэтым каля 1 тысячы з іх звярталіся за прадаўжэннем тэрміну знаходжання.
Раней у МУС анансавалі, што тэрмін знаходжання замежных грамадзян у Беларусі без рэгістрацыі можа быць павялічаны да 10 дзён.
