МІНСК, 2 жні — Sputnik. Барысаўскі клуб БАТЭ выйграў матч у адказ з ХІКам у рамках кваліфікацыі Лігі чэмпіёнаў, які прайшоў у сераду ў Хельсінкі, перадае Sputnik.
14-кратныя чэмпіёны Беларусі выйгралі з лікам 2:1. У барысаўчан на 24-й хвіліне вароты фінаў паразіў Ігар Стасевіч, за пару хвілін да гэтага аўтаголам вызначыўся капітан фінскай каманды Рафінья ў спробе адбіць мяч.
Адзіны гол у вароты Дзяніса Шчарбіцкага забіў на 29-й хвіліне Моштаг Ягубі.
Першая сустрэча БАТЭ і ХІКа прайшла на "Барысаў-Арэне" і завяршылася нулявой нічыёй.
Перамога падапечных Аляксея Багі дазволіла камандзе прайсці ў наступны кваліфікацыйны раунд ЛЧ. У трэцім раундзе беларусы будуць гуляць з "Карабахам" (Азербайджан).
