Гадзіннік беларуса, які загінуў на "Тытаніку", прадаюць на аўкцыёне ў ЗША

© Sputnik / Кирилл Каллиников / Перайсці ў фотабанкАўкцыён
Аўкцыён - Sputnik Беларусь
Кішэнны гадзіннік пасажыра "Тытаніка", які родам з Беларусі, будзе прададзены мінімум за 34 тысяч долараў, таргі завершацца ў нядзелю.

МІНСК, 26 жні — Sputnik. Кішэнны гадзіннік, які належыў ураджэнцу Беларусі, што патануў у 1912 годзе на борце "Тытаніка", выстаўлены на аўкцыён у ЗША.

Таргі па дадзеным лоце павінны завяршыцца ў нядзелю, 26 жніўня, стаўка па лоце за суткі да завяршэння аўкцыёну складае 34 тысячы долараў.

Лот пад нумарам 43312 быў выстаўлены на таргі аўкцыённага дома Heritage Auctions некалькі дзён таму. Таргі па ім завершацца 26 жніўня.

Гадзіннік Электроніка - першы савецкі электронны наручны гадзіннік - Sputnik Беларусь
Легендарны гадзіннік "Электроніка" зноў можна купіць у Мінску

У апісанні пазначана, што гадзіннік немаркіраваны, але забяспечаны арыгінальным швейцарскім механізмам, мае запасны крышталь. На цыферблаце — літары на іўрыце. На задняй сценцы выява Майсея, які трымае скрутак з дзесяццю запаведзямі. Экспанат мае сляды іржы — заржавеў сам механізм, разбурыліся стрэлкі. Гэта вынік пагружэння ў салёную ваду.

Гадзіннік быў уласнасцю эмігранта, ураджэнца беларускага Віцебска Сіная Кантара, які разам з жонкай Мірыям быў пасажырам першага і апошняга рэйса лайнера "Тытанік" у красавіку 1912 года.

Сямейная пара ехала другім класам, за квіткі яна заплаціла 26 тысяч фунтаў стэрлінгаў. Калі "Тытанік" сутыкнуўся з айсбергам і пачаў тануць, Мірыям змясцілі ў выратавальную шлюпку № 12, прызначаную толькі для жанчын і дзяцей. Ёй удалося выратавацца.

Рарытэтныя мадэлі гадзіннікаў, выпушчаныя ў часы СССР - Sputnik Беларусь
Залатыя, медыцынскія, з вечным календаром: у Мінску паказалі лепшыя гадзіннікі

Сінай Кантар загінуў. Яго цела было вынята з вады пазней — падчас выратавальнай аперацыі, і дастаўлена ўдаве ў Нью-Ёрк. Беларус быў пахаваны на нью-ёркскіх могілках. Удава таксама дамаглася, каб ёй перадалі паднятую з дна акіяна маёмасць — вопратку, расійскі пашпарт, нататнік, грошы з Расіі, Германіі і Англіі, кашалькі, тэлескоп, штопар, сярэбраны гадзіннік і рамень.

Гадзіннік прадаецца з суправаджальным лістом, які пацвярджае яго паходжанне, і з копіямі дакументаў, якія былі выпушчаныя пасля трагедыі і адпраўленыя Мірыям. На аўкцыон сярэбраны гадзіннік выставіў нашчадак беларуса, які вырашыў не раскрываць сваё імя.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі