Помнік мінскаму князю Глебу Усяславічу з'явіцца ў сталіцы

© Public DomainПомнік вікінгу, архіўнае фота
Помнік вікінгу, архіўнае фота - Sputnik Беларусь
Падпісацца
Гарадскія ўлады вырашылі ўвекавечыць памяць пра сына Усяслава Чарадзея, які стаў родапачынальнікам мінскай дынастыі полацкіх князёў.

МІНСК, 28 жні — Sputnik. Пачаўся адкрыты конкурс на стварэнне помніка князю Глебу Усяславічу, які кіраваў Мінскам у перыяд з 1101 па 1119 год, паведамілі ў прэс-службе Мінгарвыканкама.

Помнік сыну легендарнага полацкага князя Усяслава Чарадзея ўпрыгожыць цэнтр беларускай сталіцы. Згодна з умовамі конкурсу скульптурная кампазіцыя можа складацца з некалькіх фігур.

Андрэй Шорац, архіўнае фота - Sputnik Беларусь
На мінскім Замчышчы прапанавалі ўстанавіць помнік Глебу Менскаму

"Архітэктурна-мастацкае рашэнне і месца размяшчэння помніка, прапанаванае аўтарамі, павінна арганічна ўпісвацца ў канкрэтную архітэктурна-планіровачную сітуацыю", — гаворыцца ў паведамленні сталічных уладаў.

Удзельнікам конкурсу будзе неабходна ў кароткі перыяд у верасні прадставіць графічную візуалізацыю будучага помніка разам з абгрунтаваннем. Пры жаданні прафесійныя скульптары і архітэктары могуць вырабіць аб'ёмны макет скульптуры.

Конкурсныя работы прадстаўляюцца ў камітэт архітэктуры і горадабудаўніцтва Мінгарвыканкама да 17:00 21 верасня, а рашэнне будзе прынята на пасяджэнні журы 15 кастрычніка — на аснове галасавання большасці, пасля чаго вынікі размесцяць на сайце мэрыі беларускай сталіцы.

Глеб Усяславіч, адзін з старэйшых сыноў Усяслава Чарадзея, атрымаў у кіраванне Мінск у якасці удзельнага княства пасля смерці бацькі ў 1101 годзе і кіраваў ім аж да 1119 года.

Унучка мінскага князя Сафія стала дацкай каралевай. Абодва яе сыны сталі дацкімі каралямі — Кнуд VI і Вальдэмар II.

Стужка навiн
0