МІНСК, 2 вер — Sputnik. Цёплае і камфортнае надвор'е ўсталюецца ў Беларусі на наступным тыдні, сведчаць дадзеныя метэаралагічных сэрвісаў.
Каляндарная восень прыйшла ў Беларусь у суботу, аднак кліматычная пакуль не спяшаецца — у краіне захоўваецца летняе надвор'е, хоць тэмпература і не падымаецца так высока, як у першай палове жніўня.
Паводле дадзеных сэрвісаў прагнозаў надвор'я, на наступным тыдні ў Беларусі будзе цёпла: месцамі днём слупкі тэрмометраў будуць падымацца да +26 градусаў і нават вышэй.
У некаторых раёнах магчымы кароткачасовыя ападкі, аднак, паводле папярэдніх дадзеных, яны будуць невялікія. Да моцных ліўняў, якія традыцыйна прыходзяць восенню, яшчэ рыхтавацца рана.
Прахалода прыйдзе ў Беларусь толькі ў другой дэкадзе верасня — слупкі тэрмометраў апусцяцца да +13..+20 градусаў днём. Зрэшты, у канцы месяца ў Беларусь павінна прыйсці "бабіна лета" — гэта значыць магчымасць атрымаць асалоду ад цяпла яшчэ будзе.
