МІНСК, 2 вер — Sputnik. Урачыстыя мерапрыемствы ў рамках Дня беларускага пісьменства праходзяць у адным з найстарэйшых гарадоў Беларусі — Іванава у Брэсцкай вобласці.
У гэтым годзе Дзень пісьменства праходзіць у рэспубліцы ў 25-ы раз. Чвэрць стагоддзя таму кіраўнік дзяржавы падпісаў указ аб правядзенні Дня пісьменства ў першыя выхадныя верасня. У першы раз гэтае свята прайшло на Палессі. Гасцям і ўдзельнікам мерапрыемства накіраваў віншаванне прэзідэнт Беларусі Аляксандр Лукашэнка.
Асноўны дзень урачыстасцяў адкрыўся мастацка-тэатралізаваным дзействам "Малой радзіме пакланюся" на галоўнай сцэнічнай пляцоўцы ў цэнтры Іванава. Сёння ў рамках Дня пісьменства пройдзе цырымонія ўручэння Нацыянальнай літаратурнай прэміі.
Акрамя таго, у Іванава ў нядзелю прайшла цырымонія адкрыцця помніка, прысвечанага Дню беларускага пісьменства. Ён усталяваны на вуліцы імя 17 верасня. У дзень, калі Іванава адзначае свой 595-ы дзень нараджэння, у цэнтры горада прайшло святочнае шэсце. У Фестывалі кнігі і прэсы, які праходзіць на Кастрычніцкай плошчы, прымаюць удзел не толькі айчынныя прадстаўнікі СМІ і літаратуры, але і шматлікія госці з розных краін свету. Плануецца, што ў другой палове дня на цэнтральнай пляцоўцы свята пройдзе святочная цырымонія перадачы эстафеты свята Слоніму (Гродзенская вобласць).
Завершыцца свята канцэртам і віншаваннем пераможцаў абласнога конкурсу духавой музыкі "Фанфары 2018".
