Традыцыйны фестываль "Камяніца з Банкам БелВЭБ" прайшоў у Музеі народнай архітэктуры і побыту ўжо ў 10-ты раз.
У Дзень ведаў, 1 верасня, дарослыя і дзеці сабраліся пад Мінскам, каб паслухаць добрую музыку, набыць прыемныя сувеніры ў горадзе майстроў і паспрабаваць свае сілы ў разнастайных майстар-класах. Надвор'е парадавала зусім не восеньскімі сонейкам і цеплынёй, таму шматлікія госці фэсту ладзілі пікнікі адразу перад галоўнай сцэнай, каб частавацца прывезенымі або набытымі на месцы прысмакамі, не адыходзячы далёка ад асноўнай пляцоўкі.
Хэдлайнерамі музычнага складніка свята сталі "Стары Ольса", Зміцер Вайцюшкевіч, Лявон Вольскі, этна-трыа "Троіца", а таксама госці з Расіі і Украіны.
Акрамя таго, на інтэрактыўный сцэне свята ладзілі спевы і скокі, а ў царкве побач можна было паслухаць традыцыйныя беларускія песні.
Як прайшоў юбілейны фестываль, глядзіце на фота.
