Карачэўскі распавёў, як будзе "падымаць" "Беларусьфільм"

© Sputnik / Ирина БукасКінастудыя "Беларусьфільм" рыхтуецца да адкрыцця пасля рэканструкцыі
Кінастудыя Беларусьфільм рыхтуецца да адкрыцця пасля рэканструкцыі - Sputnik Беларусь
Новы генеральны дырэктар плануе перагледзець падыход да кінавытворчасці і не мае намеру выкідваць грошы "на вецер".

Новы генеральны дырэктар кінастудыі "Беларусьфільм" Уладзімір Карачэўскі хоча агрэсіўна выводзіць студыю на замежныя рынкі, пра гэта ён заявіў на прэс-канферэнцыі ў аўторак.

"Я пераглядаю ўсю маёмасьць, каб зразумець, наколькі эфектыўна яна выкарыстоўваецца. Хачу атрымаць прадпрыемства, якое эфектыўна працуе і больш агрэсіўна выходзіць на знешнія рынкі. Проста так грошы выкідваць не буду. Мы пераглядаем падыход да кінавытворчасці і шукаем адказ на пытанне "Навошта?" Мы павінны разумець, для каго мы здымаем", — распавёў Карачэўскі.

Першы здымачны дзень фільма пра Янку Купалу - Sputnik Беларусь
Прывітанне са "Смалявуда": пад Мінскам пачаліся здымкі фільма пра Купалу

Гендырэктар выказаў жаданне, каб на кінастудыі з'явілася не толькі кінавытворчасць, але і кіножыццё. Ён жа і расказаў, што для гэтага ўжо зроблена.

Што будзе здымаць "Беларусьфільм"

На кінастудыі стварылі прадзюсарскі савет, які будзе даваць заключэнні аб мэтазгоднасці здымак таго ці іншага фільма. Карачэўскі распавёў, што дзверы кінастудыі адкрытыя для розных рэжысёраў, як дзяржаўных, так і незалежных.

"Ужо падыходзіць да фінальнай стадыі мантажны перыяд фільма Дзмітрыя Астрахана пад працоўнай назвай "Жыццё пасля жыцця", які запусцяць 6 снежня. У гэтым годзе выйдзе альманах маладых рэжысёраў "Вайна. Застацца чалавекам", — распавёў Карачэўскі.

Ён дадаў, што актыўна ідзе падрыхтоўка да працы над фільмам пра Янку Купалу. Акцёры на галоўныя ролі яшчэ не зацверджаны, але галоўным чынам таму, што да гэтага фільма на кінастудыі стаўленне асаблівае і ўвага да яго таксама адмысловая.

Высакародны алень у Белавежскай пушчы - Sputnik Беларусь
Беларусы з палякамі здымуць мультфільм і выпусцяць у сусветны пракат

Гендырэктар "Беларусьфільма" анансаваў падрыхтоўку да здымак фільма па кнізе беларускай пісьменніцы Людмілы Рублеўскай "Прыгоды Пранціша Вырвіча". Яшчэ адзін сумесны праект можа быць зняты сумесна з кітайскай правінцыяй Чунцын. Пакуль сцэнара няма, але гаворка, хутчэй за ўсё, будзе ісці аб лёгкім жанры, бо вайна кітайцам не цікавая, а спецэфектамі нам здзівіць іх складана.

Карачэўскі таксама дадаў, што з адным з тэлеканалаў кінастудыя плануе зняць камедыйны серыял.

Дзе зарабіць "Беларусьфільму"

Карачэўскі распавёў і пра даходы "Беларусьфільма". Адна з асноўных крыніц — продаж маёмасных правоў на прадукцыю.

Кінастудыя зарабляе і на аказанні паслуг, а гэта і арэнда касцюмаў і рэквізіту, будаўніцтва павільёнаў, здача плошчаў у арэнду. Гендырэктар паскардзіўся на тое, што цяпер расіяне будуюць ўласныя павільёны, колькасць здымак у Беларусі скарацілася, і за кліентаў даводзіцца змагацца.

Таксама кінастудыя плануе зарабляць на стварэнні агенцтва па падборы акцёрскіх кадраў. Яшчэ Карачэўскі плануе ў будучыні дамагчыся магчымасці арганізоўваць і кінафорумы.

Новы дырэктар Беларусьфільма Уладзімір Карачэўскі - Sputnik Беларусь
Новы гендырэктар "Беларусьфільма": трэба зразумець, што перашкаджае працы

"Я не магу сказаць, што кінастудыя беспэрспэктыўная. У мяне да яе стаўленне як да месца, у якім жывуць", — растлумачыў ён сваё цёплае стаўленне да кінастудыі.

Сёння Карачэўскі падпісаў дамову аб супрацоўніцтве кінастудыі з "Кінавідэапракатам" і Нацыянальным мастацкім музеем. Для музея фонд кінастудыі важны, бо пашырае інтэрактыўныя магчымасці і формы зносін з наведвальнікам. Фармат супрацоўніцтва прыдумалі і для працы з пракатам.

Кожную трэцюю сераду ў кінатэатры "Піянер" можна будзе паглядзець фільмы, створаныя на кінастудыі. Па нядзелях будуць паказваць мультыплікацыю, а кожную другую і чацвёртую сераду ў кінатэатры будуць праходзіць дні дакументалістыкі, распавёў на прэс-канферэнцыі гендырэктар УП "Кінавідэапракат" Павел Скалабан. Такія ж паказы плануюць праводзіць у рэгіёнах, а даход дзяліць з "Кінавідэапракатам".

Здымкі фільма на Беларусьфільме - Sputnik Беларусь
"Беларусьфільм" плануе выйсці на замежны рынак

"Выжываем, трошкі напружаны і справімся", — упэўнены Карачэўскі.

Але новы гендырэктар плануе вярнуць на кінастудыю і жыццё, і атмасферу і развіць яе да такой ступені, што беларусам і турыстам захочацца купіць сувенір ад "Беларусьфільма". І на сувенірнай прадукцыі кінастудыя аднойчы таксама плануе зарабляць.

Карачэўскі паведаміў і аб пераглядзе цэнавай палітыкі і плануе прапанаваць больш цікавыя ўмовы партнёрам. Гэта, паводле яго слоў, таксама стане адным з артыкулаў даходу "Беларусьфільма".

Маршрут па кінамесцам

На вытворчасці спыняцца не плануюць. Карачэўскі анансаваў турыстычны маршрут па кінамесцах Мінска. Маршрут можа ўключаць у тым ліку паездку на "Беларусьфільм". У ім адзначаць і месцы, у якіх здымаліся карціны кінастудыі, і пробныя экскурсіі ўжо пачаліся. Плануецца таксама праводзіць сустрэчы з акцёрамі і рэжысёрамі ў кафэ кінастудыі.

А ў лістападзе кінастудыя стане адной з пляцовак, якая прыме кінафестываль "Лістапад".

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі