УЕФА пакарае Беларускую федэрацыю футбола за паводзіны балельшчыкаў

© Sputnik / Виктор ТолочкоБеларускія фанаты падчас матчу нацыянальнай зборнай на стадыёне "Дынама"
Беларускія фанаты падчас матчу нацыянальнай зборнай на стадыёне Дынама - Sputnik Беларусь
Фанаты беларускай каманды падчас матчаў Лігі нацый скандавалі палітычныя крычалкі і палілі фаеры.

МІНСК, 18 вер — Sputnik. Саюз еўрапейскіх футбольных асацыяцый (УЕФА) з вялікай доляй верагоднасці пакарае Беларускую федэрацыю футбола за паводзіны заўзятараў на матчах нацыянальнай зборнай у Лізе нацый, паведамілі Sputnik у прэс-службе Асацыяцыі "Беларуская федэрацыя футбола" (АБФФ).

Зборная Беларусі атрымала перамогу над камандай Сан-Марына - Sputnik Беларусь
Беларусь атрымала буйную перамогу ў Лізе нацый

Беларуская каманда ў пачатку верасня правяла два матчы ў групе 2 дывізіёна D Лігі нацый: дома падапечныя Ігара Крывушэнкі разграмілі Сан-Марына (5:0), на выездзе згулялі ўнічыю з Малдовай (0:0). Падчас паядынкаў фанацкі сектар "Белакрылых" выкарыстаў фаеры і скандаваў палітычныя крычалкі. Дзеянні заўзятараў былі адзначаны ў дакладзе дэлегатамі УЕФА.

"У выніку з вялікай доляй верагоднасці па выніках пасяджэння дысцыплінарных органаў УЕФА на АБФФ будуць накладзеныя санкцыі", — заявілі ў АБФФ.

У АБФФ звярнуліся да заўзятараў: "Выкарыстанне піратэхнікі і палітызацыя спартыўных спаборніцтваў пры дапамозе правакацыйных або абразлівых крычалак забароненыя УЕФА".

У адваротным выпадку, звярнулі ўвагу суразмоўцы агенцтва, на АБФФ будуць накладзеныя штрафныя санкцыі.

"Мы і раней падкрэслівалі недапушчальнасць распальвання нацыянальнай, рэлігійнай варожасці або розні, прапаганды выключнасці, перавагі альбо непаўнавартаснасці грамадзян па прыкмеце іх адносін да нацыянальнай прыналежнасці — і ўсяляк імкнуліся засцерагчы ад чаго-небудзь падобнага беларускі футбол. Сягоння ж — у святле атрыманых ад УЕФА заўваг — вымушаныя яшчэ раз звярнуцца да балельшчыкаў", — працягнулі ў АБФФ.

У федэрацыі нагадалі, што 12 і 15 кастрычніка беларуская зборная правядзе два дамашнія матчы — супраць Люксембурга і Малдовы. Калі на гэтых гульнях фанаты працягнуць весці сябе некарэктна, санкцыі з боку УЕФА могуць быць больш жорсткімі.

У АБФФ заклікалі адмовіцца ад палітычных крычалак і выкарыстання піратэхнікі, як на стадыёне, так і за яго межамі. У федэрацыі папрасілі заўзятараў накіраваць сваю энергію ў мірнае рэчышча.

Стужка навiн
0
Спачатку новыяСпачатку старыя
loader
У эфіры
Заголовок открываемого материала