МІНСК, 16 ліс - Sputnik. Карціну вядомага брытанскага мастака Бэнксі "Рабская праца" набылі за 725 тысяч долараў для таго, каб яе знішчыць, паведамляе брытанскае выданне Evening Standard.
American artist Ron English has vowed to destroy an artwork by Banksy that he bought for $730,000, in protest of the market in street art. https://t.co/Y8uO5ZHPfX pic.twitter.com/Qc28BtlXhu
— CNN (@CNN) 15 ноября 2018 г.
Купіў працу на аўкцыёне Julien's Auctions у Лос-Анджэлесе амерыканскі вулічны мастак Рон Інгліш. Ён мае намер зафарбаваць яе ў знак пратэсту супраць продажу і куплі вулічнага мастацтва.
"Мая ідэя для гэтай карціны ў тым, каб пабяліць яе для майго добрага прыяцеля Бэнксі, шкада, што я не магу патраціць больш грошай на гэта", - заявіў Інгліш.
Затым ён збіраецца прадаць пабеленую карціну за 1 мільён долараў.
Карціна "Рабская праца" - гэта мурал, які першапачаткова быў нанесены мастаком на сцяну крамы ўцэненых тавараў у адным з раёнаў Лондана ў 2012 годзе. На ім намаляваны маленькі хлопчык, які сядзіць на каленях перад швейнай машынкай і сшывае тканіну з брытанскім сцягам. Паводле задумы аўтара, мурал быў прызваны прыцягнуць увагу да выкарыстання дзіцячай працы пры вытворчасці сувеніраў для Алімпіяды ў Лондане ў 2012 годзе.
Праз год карціна была выразаная з сцяны, прададзеная і за гэты час змяніла некалькі ўладальнікаў.
Нагадаем, што ў кастрычніку на аўкцыёне Sotheby's у Лондане з карцінай "Дзяўчынка з шарам" Бэнксі здарыўся скандал. Тады адразу пасля продажу карціна самазнішчылася - як высветлілася, у раму быў убудаваны шрэдар, які парэзаў палатно на дробныя палоскі. Пакупніца, якая заплаціла за карціну 1 мільён фунтаў, ад здзелкі, тым не менш, не адмовілася, і заявіла, што зараз рэшткі можна лічыць шэдэўрам.
