МІНСК, 16 сту - Sputnik. Змены ў агульнадзяржаўны класіфікатар спецыяльнасцяў і кваліфікацый прынятыя ў Беларусі, яны апублікаваныя на Нацыянальным прававым інтэрнэт-партале, паведамляе Sputnik.
Класіфікатар спецыяльнасцяў і кваліфікацый - гэта адзін з асноўных дакументаў для беларускіх вышэйшых навучальных устаноў. Абапіраючыся на яго, яны могуць планаваць навучальныя праграмы і спецыяльнасці.
Змены чакаліся даўно, аднак доўгі час не былі прынятыя. Бягучыя папраўкі (яны маюць 27-ы нумар), былі падпісаныя міністрам адукацыі ў другой палове снежня, аднак апублікаваныя толькі ў сярэдзіне студзеня.
У дакуменце прыводзіцца важная для спецыялістаў інфармацыя аб кадаванні спецыяльнасцяў, а таксама іх пералік, у тым ліку і для магістарскіх ступеняў.
Мяркуецца, што пасля прыняцця зменаў у класіфікатар у ВНУ пашырыцца дыяпазон магчымасцяў для фарміравання магістарскіх праграм, а спецыяльнасці можна будзе ўзбуйняць.
Праект гэтых зменаў публікаваўся яшчэ ў жніўні, затым яго абмяркоўвалі спецыялісты.
