МІНСК, 17 сту - Sputnik. Аляксандра Сасновіч паспяхова стартавала ў парным турніры на адкрытым чэмпіянаце Аўстраліі. У дуэце з Тэйлар Таўнсенд з ЗША яна абыграла тандэм бельгійкі Элісан ван Эйтванк і чылійкі Алексы Гарчы - 7:6 (7:3), 6:2.
У адзіночным разрадзе Сасновіч ужо выйшла ў 3-і раунд на адкрытым чэмпіянаце Аўстраліі, цяпер яна паспяхова стартавала і ў парным турніры.
У першым крузе парнага разраду Australian Open прымаюць удзел пяць беларускіх тэнісістак. Лідзія Марозава ў пары з японкай Суко Аоямай таксама выйшлі ў другі круг парнага разраду.
Сёння стане вядомы вынік дуэта беларускі Арыны Сабаленка і бельгійкі Элізы Мёртэнс. А вось матч, у якім прымала ўдзел Вікторыя Азаранка ў пары з аўстралійкай Эшлі Барці, спыніўся з-за ўмоў надвор'я - пайшоў моцны дождж.
Адкрыты чэмпіянат Аўстраліі па тэнісе - першы ў сезоне турнір серыі Вялікага шлема. Агульны прызавы фонд спаборніцтваў складае $44,5 мільёны.
Australian Open завершыцца 27 студзеня.
