Дзёрзкае выкраданне карціны Куінджы: падазраваны ў крадзяжы затрыманы

© Sputnik / Максим Блинов / Перайсці ў фотабанкСупрацоўнікі паліцыі дзяжураць ля ўваходу ў Інжынерны корпус Траццякоўскай галерэі ў Маскве.
Супрацоўнікі паліцыі дзяжураць ля ўваходу ў Інжынерны корпус Траццякоўскай галерэі ў Маскве. - Sputnik Беларусь
Карціну "Ай-Петры. Крым" аднаго з самых дарагіх рускіх мастакоў змаглі выкрасці з выставы нягледзячы на некалькі узроўняў аховы ў музеі.

МІНСК, 28 сту - Sputnik. Падазраваны ў крадзяжы карціны Куінджы "Ай-Петры. Крым" затрыманы, паведаміла афіцыйны прадстаўнік МУС РФ Ірына Воўк.

Кот пашкодзіў старадаўнюю карціну коштам у некалькі тысяч фунтаў - Sputnik Беларусь
Кот пашкодзіў старадаўнюю карціну коштам у некалькі тысяч фунтаў

Крадзеж з Траццякоўскай галерэі адбыўся ўвечары ў нядзелю, 27 студзеня - у дзень нараджэння вялікага рускага пейзажыста.

Па словах Воўк, выкрадальнік быў затрыманы ў пасёлку Зарэчча Маскоўскай вобласці. Ён прызнаўся, што схаваў выкрадзеную карціну на тэрыторыі будоўлі ў Адзінцоўскім раёне, дзе яе затым знайшлі супрацоўнікі паліцыі.

"Старыя-разбойнікі"

Грабёж, які прайшоў практычна па сцэнары вядомага фільма "Старыя-разбойнікі", адбыўся каля 18 гадзін нядзелі.

Як было ўстаноўлена, мужчына зняў палатно са сцяны і выйшаў з ім з залы прама на вачах наведвальнікаў. Выкрадальнік паводзіў сябе дастаткова ўпэўнена, таму прысутныя, уключаючы наглядчыкаў, былі ўпэўненыя, што гэта работнік галерэі. Палатно не было падключана да сістэмы сігналізацыі.

Злодзей зайшоў за калону, акуратна выцягнуў карціну з рамы, пакінуў раму і пайшоў.

Калі стала зразумела, што гаворка сапраўды ідзе аб выкраданні, будынак ачапілі паліцэйскія. Галерэя працавала толькі на выхад, наведвальнікаў выпускалі толькі пасля дагляду.

Аукцыён - Sputnik Беларусь
Бэнксі-бум працягваецца: яшчэ адна карціна мастака будзе знішчаная

У праваахоўных органах заявілі, што ад пачатку ў паліцыю паступіла паведамленне аб крадзяжы футры з гардэроба Траццякоўкі. Калі прыбылі на месца супрацоўнікі паліцыі сталі праглядаць запісы з камер відэаназірання, яны ўбачылі, як невядомыя знялі са сцяны палатно Куінджы.

Ці знайшлі футра, паліцыя не паведамляе.Па папярэдніх дадзеных, злачынства здзейснена з карыслівых меркаванняў. У снежні 2018 года гэты ж мужчына ўжо затрымліваўся за захоўванне наркотыкаў і з'яўляецца фігурантам крымінальнай справы, на момант затрымання ён знаходзіўся пад падпіскай аб нявыездзе.

Расследаванне крымінальнай справы працягваецца, высвятляюцца магчымыя саўдзельнікі злачынца.

Што вядома пра карціну

Выстава работ Куінджы праходзіць у Траццякоўскай галерэі з 6 кастрычніка па 17 лютага.

Выкрадзеная карціна была выкананая ў 1890 годзе на кардоне і належала "Рускаму музею". Яе прывезлі ў Маскву дзеля выставы. Дзякуючы яе невялікаму памеру (39 х 53 сантыметраў) злодзей змог вынесці яе незаўважна.

Карціна, як адзначылі ў музеі, не была самай дарагой і асабліва каштоўнай, што тлумачыць адсутнасць на ёй сігналізацыі. Па дадзеных Мінкультуры, страхавы кошт карціны складае 12 мільёнаў рублёў.

На думку экспертаў, прадаць "Ай-Петры. Крым" было б практычна немагчыма.

Паведамляецца, што выстава будзе працаваць у панядзелак з 15:00.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі