МІНСК, 7 лют - Sputnik. Прэм'ер-міністр Беларусі Сяргей Румас здзяйсняе працоўны візіт у Італію, у рамках якога ў Рыме абмяркоўваўся ход падрыхтоўкі да II Еўрапейскіх гульняў, паведаміў тэлеканал АНТ у вячэрнім навінавым выпуску ў сераду.
Мінск прыме II Еўрапейскія гульні з 21 чэрвеня па 30 чэрвеня 2019 года. З Рыма перад пачаткам гульняў стартуе традыцыйная эстафета агню. "Алімпійскі" агонь будзе дастаўлены ў Мінск на цырымонію адкрыцця гэтага спартыўнага форуму.
У рамках рабочага візіту Румас сустрэўся з намеснікам старшыні Саўміна Італіі, міністрам эканамічнага развіцця, працы і сацыяльнай палітыкі Луіджы Дзі Маё. У час сустрэчы, акрамя пытанняў падрыхтоўкі да Еўрапейскіх гульняў, была абмеркавана тэма супрацоўніцтва дзвюх краін па шэрагу перспектыўных напрамкаў. Як вынікае з відэасюжэта АНТ, Румаса ў час рабочай паездкі ў Рым суправаджаюць кіраўнікі шэрагу міністэрстваў эканамічнага блока. Румас запрасіў італьянскіх калег наведаць беларускую сталіцу падчас II Еўрапейскіх гульняў.
Прэм'ер-міністр таксама адзначыў пазітыўныя тэндэнцыі ў двухбаковым гандлі - тавараабарот паміж Беларуссю і Італіяй у 2018 годзе вырас у параўнанні з 2017-м на 15,2% да 912,7 мільёнаў долараў.
Беларускі прэм'ер таксама правёў сустрэчу ў Рыме з дырэктарам Еўрапейскіх алімпійскіх камітэтаў (ЕАК) Янезам Качыанчычам. Румас адзначыў, што ў яго на стале знаходзіцца каляндар, які адлічвае дні да пачатку гэтых спаборніцтваў.
У сваю чаргу кіраўнік ЕАК, які ўжо прыязджаў з візітам у Беларусь, упэўнены, што гульні ў Мінску пройдуць на высокім узроўні.
Беларусь атрымала права на правядзенне II Еўрапейскіх гульняў на 45-м пасяджэнні Генеральнай асамблеі Еўрапейскіх алімпійскіх камітэтаў восенню 2016 года ў Мінску. Гульні пройдуць у Мінску з 21 па 30 чэрвеня 2019 года на 12 спартыўных аб'ектах. Больш за чатыры тысячы атлетаў з 50 краін разыграюць 199 камплектаў узнагарод у 15 відах спорту.
Чытайце таксама:
- Фотафакт: ледзяная фігура-талісман II Еўрапейскіх гульняў з'явілася ў Мінску
- Пінчук: як медыцынскія службы рыхтуюцца да II Еўрапейскіх гульняў
- У Еўрапейскіх гульнях будуць удзельнічаць 200 беларускіх спартсменаў
