МІНСК, 8 лют - Sputnik. У 2019 годзе ў Беларусі ўвойдуць у абарачэнне абноўленыя грошы, паведамілі ў эфіры тэлеканала "Беларусь 1" у праграме, прысвечанай сустрэчы Аляксандра Лукашэнкі і кіраўніка Нацбанка Паўла Калаўра.
Новая калекцыйная рэдкасць
"У абарачэнні ў бягучым годзе з'явяцца абноўленыя купюры наміналам 5 і 10 рублёў, а таксама манеты: адна, дзве капейкі і два рублі", - распавялі ў праграме.
Праўда, журналісты не раскрылі падрабязнасці, чым новыя грошы будуць адрознівацца ад старых купюр і якія змены зведаюць манеты. Верагодна, пасля гэтага яны стануць прадметам цікавасці баністаў і нумізматаў.
Пасля навіны аб правядзенні дэнамінацыі ў 2016 годзе ўважлівыя журналісты знайшлі арфаграфічную памылку на тады яшчэ новых грошах. Так, на купюры вартасцю ў 50 рублёў было напісана - "пяцьдзесят".
Як зменяцца рублі
Справа ў тым, што згодна з новымі правіламі беларускай арфаграфіі правільна пісаць - "пяцьдзясят". Абноўленыя грошы як раз і закліканы выправіць прыкрую памылку.
На прэзентацыі дэнамінаваных рублёў у Нацбанку распавялі, што грошы выпушчаныя ў Еўрасаюзе, адсюль, мабыць, і падабенства з еўра. Вытворца банкнот - кампанія De La Rue з Вялікабрытаніі. Вытворцамі манет з'яўляюцца Літоўскі манетны двор і Манетны двор "Крэмніца" у Славакіі.
Цікава, што грошы выпусцілі яшчэ ў 2009 годзе, калі правілы арфаграфіі ў беларускай мове былі іншымі. Тады выхад іх у абарачэнне і дэнамінацыя перашкодзілі крызісу ў беларускай эканоміцы, які выклікаў абвальную дэвальвацыю айчыннага рубля.
У мінулым годзе Нацбанк раскрыў інфармацыю аб тым, як зменяцца купюры ў 5,10, 20 і 50 рублёў. Па-першае, малюнак архітэктурных аб'ектаў прывядуць у адпаведнасць з іх актуальным выглядам. Па-другое, знікне подпіс - "Старшыня праўлення" і факсіміле подпісу Пятра Пракаповіча, які ў той час узначальваў Нацбанк.
