Каманда БАТЭ не на 100% гатовая да сённяшняга матчу супраць "Арсенала", які адбудзецца ўвечары на роднай "Барысаў-Арэне". Такое меркаванне ў гутарцы на радыё Sputnik Беларусь выказаў вядомы беларускі футбаліст і трэнер, варатар мінскага "Дынама" 1982 года, чэмпіён СССР Міхаіл Вергяенка.
"Чаканні тут адназначныя. Калі толькі штосьці можа адбыцца неверагоднае... Але я думаю, трэба загадзя сказаць, што "Арсенал" мацнейшы. Чакаць ад гэтага матчу нейкіх непрадказальных вынікаў будзе няслушна, таму што "Арсенал" у цудоўнай форме. Усе гульцы выглядаюць добра і маюць практыку пастаянную", - адзначыў Вергяенка.
На думку вядомага футбаліста, матч цікавы тады, калі ў ім ёсць саперніцтва, але не ў тым выпадку, калі адна каманда знаходзіцца на піку спартыўнай формы, а іншыя толькі пачынае самасцвярджацца.
"Яны зараз на розным узроўні, таму асаблівых ілюзіяў я не строю, і думаю, што кіраўніцтва БАТЭ і трэнерскі штаб рэальна разгледзелі ўсе "за" і "супраць" і не сталі фарсіраваць падрыхтоўку да гэтай гульні, таму што сілы занадта несупаставімыя", - сказаў суразмоўца Sputnik.
Нагадаем, у чацвер, 14 лютага, на "Барысаў-Арэне" БАТЭ прымае "Арсенал" у рамках 1/16 фіналу Лігі Еўропы. Пачатак матчу ў 20:55.
Гутарку з легендарным футбольным варатаром Міхаілам Вергяенкам слухайце на радыё Sputnik Беларусь.
