Не пякельная кухня і трошкі журавін: што гатавалі ўдзельнікі кулінарнага батла

© Sputnik / Елена ВасильеваГатавалі на кулінарным батле закускі самай рознай "нацыянальнасці"
Гатавалі на кулінарным батле закускі самай рознай нацыянальнасці - Sputnik Беларусь
Падпісацца
Членаў журы так ўразілі смакавыя акцэнты, якія надаюць стравам журавіны, што яны прапанавалі заснаваць для беларускіх кухараў конкурс "Салодкая журавіна".

Хлопец варыць каву на свяце роднай ежы Усё Сваё - Sputnik Беларусь
З жалудоў, цыкорыі і дзядоўніка: гатуем беларускую народную каву
За адным сталом гатуюць закуску "Хе", за адным сушы закручваюць у тонкія лісты морквы, за трэцім успамінаюць старадаўні, але забыты беларускі рэцэпт, у якім казіны сыр, што выкарыстоўвалі нашы продкі, замянілі маскарпоне.

Так напярэдадні ў "Мінск-Арэне" прайшоў кулінарны батл, дзе шэф-кухары сталічных рэстаранаў працавалі разам са студэнтамі каледжа і прапаноўвалі журы ацаніць закускі, якія яны так па-рознаму прыгатавалі з аднаго і таго ж набору прадуктаў.

Самая зайздросная роля дасталася журы, бо эксперты паспыталі кулінарныя творы кожнага з удзельнікаў, а пасля акуратна запісалі рэстараны, якія прадстаўлялі шэф-кухары, каб ведаць, куды ісці за дадаткам.

© Sputnik / Елена ВасильеваШэф-кухары прыгатавалі закускі з аднаго і таго ж набору прадуктаў, але па-рознаму
Не пякельная кухня і трошкі журавін: што гатавалі ўдзельнікі кулінарнага батла - Sputnik Беларусь
Шэф-кухары прыгатавалі закускі з аднаго і таго ж набору прадуктаў, але па-рознаму

У журы прысутнічала і шэф-рэдактар Sputnik Беларусь Алеся Лучанінава. А каб чытачы не адчувалі сябе за бортам гэтага кулінарнага свята, карэспандэнты агенцтва запісалі парады ад шэф-кухараў, якія дапамогуць вашым стравам выглядаць так жа добра, як у рэстаране, і прасачылі за прыгатаваннем некаторых закусак, якія можна прыгатаваць і дома.

© Sputnik / Елена ВасильеваНе варта баяцца спалучаць неспалучальнае падчас прыгатавання страў
Не пякельная кухня і трошкі журавін: што гатавалі ўдзельнікі кулінарнага батла - Sputnik Беларусь
Не варта баяцца спалучаць неспалучальнае падчас прыгатавання страў

Калі быў маленькі, мае пяльмені раскрываліся, як мідыі

Хтосьці, як Арцём Бяссяальнаў прыйшоў у прафесію дзякуючы бацькам, якія і самі шмат гатуюць. Шэф запэўнівае: хатняя ежа самая смачная таму, што яе гатуюць з любоўю. І да такога падыходу павінен імкнуцца кожны кухар, незалежна ад памеру залы ў рэстаране.
А хтосьці да гэтага часу гатуе на кухні для незнаёмых гасцей, як для ўласных бацькоў.

"Кожны раз, як я гатую, уяўляю, што ў мяне ў залі сядзяць бацькі. Усё павінна быць якасна і смачна", - распавёў кухар Зміцер.

Аляксандр Пікулік пачаў гатаваць яшчэ ў дзяцінстве. Першыя стравы - для бацькоў, атрымлівалася не ўсе, так што шлях да поспеху спачатку можа быць цярністы, не хвалюйцеся, калі нешта ідзе не па плане.

"Гарэлі яйкі, пяльмені адкрываліся, як мідыі, але я шмат глядзеў фільмаў і цікавых перадач па кулінарыі, зацікавіўся тым, як спалучаць неспалучальнае", - распавёў Аляксандр.

Пасля няўдач з пяльменямі пачаўся і кар'ерны рост: трапіў у рэстаран, папрацаваў з мармуровым мясам, абслугоўваў пасольствы.

Асновы хіміі і просты кубак

А вось і парады, якія далі шэф-кухары чытачам Sputnik.

Калі гатуеце штосьці дома, то пры выкладцы гарніру выкарыстоўвайце кубак. Змясціце страву (грэчку або бульбяное пюрэ) у кубак, падцяпліце ў мікрахвалеўцы і перавярніце. Зверху ўпрыгожце зелянінай, і вынік будзе выглядаць як у рэстаране.

© Sputnik / Елена ВасильеваШэф-повар Кірыл Дзялец
Не пякельная кухня і трошкі журавін: што гатавалі ўдзельнікі кулінарнага батла - Sputnik Беларусь
Шэф-повар Кірыл Дзялец

Вывучыце асновы хіміі. Так-так, веды асноў хімічных працэсаў пры тэрмаапрацоўцы прадуктаў вельмі важныя. Да прыкладу, каб мяса было мяккім, яго не трэба даводзіць да поўнай гатоўнасці, а гэта - дэнатурацыя бялку.

Не баяцца спалучаць неспалучальнае. Аднойчы Дзмітрый вырашыў у адным бургеры выкарыстоўваць ялавічыну, рыбу і курыцу. Гатаваў для бацькоў, яны сказалі, што спалучэнне даволі незвычайнае. Адным словам, галоўнае не баяцца эксперыментаў, бо так можна адкрыць і па-сапраўднаму цікавае спалучэнне.

Галоўнае - гатаваць з любоўю. Гэта змяняе амаль любую страву.

© Sputnik / Елена ВасильеваПаўтарыць у хатніх умовах можна ўсё стравы кулінарнага батла
Не пякельная кухня і трошкі журавін: што гатавалі ўдзельнікі кулінарнага батла - Sputnik Беларусь
Паўтарыць у хатніх умовах можна ўсё стравы кулінарнага батла

На стале ў журы

Гатавалі сёння закускі самай рознай "нацыянальнасці". Вось на адной талерцы два віды сморабродаў - гэта дацкія бутэрброды. Адзін прыгатаваны на брыошы - гэта салодкае цеста на сметанковым масле. А другі смораброд несалодкі, ён гатуецца на звычайным чорным хлебе. Усё гэта можна ўпрыгожыць чыпсамі з буракоў (іх можна прыгатаваць у звычайнай мікрахвалеўцы).

© Sputnik / Елена ВасильеваКулінарны батл прайшоў у Мінску
Не пякельная кухня і трошкі журавін: што гатавалі ўдзельнікі кулінарнага батла - Sputnik Беларусь
Кулінарны батл прайшоў у Мінску

"Паўтарыць у хатніх умовах можна ўсё", - пераконвае адзін з шэф-кухараў.

За адным столікам гатавали бразільскі дэсерт "Олинда", але ў сваім міні-варыянце, "на зубок". Таксама шэф вырашыў сумясціць нібыта несумяшчальныя прадукты - ласось і ялавічыну.

Дзякуй. Усё вельмі смачна

Судзіць строга журы сёння не прыйшлося, арганізатары далі іншае заданне - хваліць. А іншага жадання ў суддзяў і не было.

© Sputnik / Елена ВасильеваШэф-рэдактар Sputnik Беларусь Алеся Лучанінава
Не пякельная кухня і трошкі журавін: што гатавалі ўдзельнікі кулінарнага батла - Sputnik Беларусь
Шэф-рэдактар Sputnik Беларусь Алеся Лучанінава

"Тое, як вы гэта рабілі - цуд. Раскатаць морквачку, зрабіць ружу з маскарпоне на маленькім тосце. Я прыйшла да высновы, што хаджу не ў тыя рэстараны. Сёння было смачней, чым тое, што я звычайна замаўляю ў нашых беларускіх рэстаранах. Запішу назву устаноў, у якіх вы працуеце, і буду хадзіць туды. А калі нешта пойдзе не так, буду ведаць, каму прад'яўляць прэтэнзіі", - смяецца шэф-рэдактар Sputnik Беларусь Алеся Лучанінава.

© Sputnik / Елена ВасильеваШэф-кухары запэўніваюць: галоўнае - гатаваць з любоўю, гэта змяняе амаль любую страву
Не пякельная кухня і трошкі журавін: што гатавалі ўдзельнікі кулінарнага батла - Sputnik Беларусь
Шэф-кухары запэўніваюць: галоўнае - гатаваць з любоўю, гэта змяняе амаль любую страву

А калі вы да гэтага часу не верыце ў неверагодныя здольнасці кухараў, якія ўдзельнічалі ў сённяшнім батле і арганізоўвалі яго, глядзіце на відэа Sputnik, як брэнд шэф-повар Марына Бандаровіч з завязанымі вачыма наразае грушу.

Для слабанервных удакладнім, што ні груша, ні Марына не пацярпелі, так што глядзіце на дэманстрацыю майстэрства смела, але ў хатніх умовах паўтарайце лепш самі стравы.

Для тых, каго ўразіў такі навык, кухары растлумачылі, што авалодаць нажом можна паспрабаваць усяго за месяц.

Стужка навiн
0