МІНСК, 20 сак - Sputnik. Мітрапаліта Мінска-Магілёўскага Тадэвуша Кандрусевіча выпісалі са шпіталя, зараз ён адчувае сябе добра, паведаміў у аўторак партал Catholic.by.
Арцыбіскуп быў шпіталізаваны ў Беластоку 10 сакавіка, яму зрабілі аперацыю на пазваночніку. Паведамляецца, што Кандрусевіча выпісалі са шпіталя ў панядзелак 18 сакавіка.
"З кожным днём адчуваю сябе ўсё лепш і магу без праблем хадзіць", - сказаў ён.
Паводле слоў мітрапаліта, цяпер на працягу дня ён па рэкамендацыі ўрачоў здзяйсняе рэгулярныя прагулкі, праходзячы каля двух кіламетраў.
Кандрусевіч адзначыў, што разам з тым медыкі забаранілі яму праяўляць залішнюю фізічную актыўнасць, каб рэабілітацыя пасля хірургічнага ўмяшання прайшла добра.
Мітрапаліт падзякаваў польскім урачам і ўсім беларусам, якія падтрымлівалі яго малітвамі падчас знаходжання ў бальніцы.
