Колер Беларусі: выстава Міхала Анемпадыстава адкрылася ў Мінску

© Sputnik / Альфрэд МікусВыстава да 55-годдзя Міхала Анемпадыстава адкрылася ў Мінску
Выстава да 55-годдзя Міхала Анемпадыстава адкрылася ў Мінску - Sputnik Беларусь
Падпісацца
Экспазіцыя ў Нацыянальным цэнтры сучасных мастацтваў прысвечана юбілею знакамітага творцы.

МІНСК, 6 кра - Sputnik. Выстава да дня нараджэння дызайнера і паэта Міхала Анемпадыстава напярэдадні адкрылася ў Мінску. У гэтым годзе знакамітаму творцу споўнілася б 55 гадоў.

© Sputnik / Альфрэд МікусВыстава прысвечана знакамітай кнізе Анемпадыстава
Колер Беларусі: выстава Міхала Анемпадыстава адкрылася ў Мінску - Sputnik Беларусь
Выстава прысвечана знакамітай кнізе Анемпадыстава

Экспазіцыя прысвечана кнізе знакамітага аўтара "Колер Беларусі". Гэта яго апошняя вялікая праца, якая распавядае пра гісторыю колераў, іх распаўсюджанне і сімвалічнае значэнне.

Першае выданне было надрукавана ў 2017 годзе, але лімітаваным тыражом, які вельмі хутка раскупілі. На перавыданне кнігі, якую называюць "самай незвычайнай энцыклапедыяй Беларусі", грошы збіралі ўжо пасля смерці аўтара праз краўдфандынгавую кампанію.

© Sputnik / Альфрэд МікусКніга Міхала Анемпадыстава "Колер Беларусі"
Колер Беларусі: выстава Міхала Анемпадыстава адкрылася ў Мінску - Sputnik Беларусь
Кніга Міхала Анемпадыстава "Колер Беларусі"

У Нацыянальным цэнтры сучасных мастацтваў прадстаўлена візуальная частка даследвання – фотаздымкі носьбітаў традыцыйных колераў беларускай культуры. Міхал Анемпадыстаў заўсёды палкрэсліваў карэннае значэнне колера для светаразумення народа. Ён лічыў, што культурныя коды, закладзеныя адчуваннямі колеру, павінны структураваць разуменне чалавекам сябе і свайго месца ў пэўнай прасторы. Тое ж самае ён казаў і адносна цэлых нацый.

© Sputnik / Альфрэд МікусФотаздымкі з кнігі "Колер Беларусі" Міхала Анемпадыстава
Колер Беларусі: выстава Міхала Анемпадыстава адкрылася ў Мінску - Sputnik Беларусь
Фотаздымкі з кнігі "Колер Беларусі" Міхала Анемпадыстава

Кніга "Колер Беларусі" – унікальнае выданне, якое ўтрымлівае не толькі карысную мастацтвазнаўчую, але і краязнаўчую, філасофскую і гістарычную інфармацыю. Акрамя таго, гэта проста неверагодна прыгожая і стылёвая праца.

© Sputnik / Альфрэд МікусФатаздымкі з кнігі Міхала Анемпадыстава "Колер Беларусі"
Колер Беларусі: выстава Міхала Анемпадыстава адкрылася ў Мінску - Sputnik Беларусь
Фатаздымкі з кнігі Міхала Анемпадыстава "Колер Беларусі"

У стварэнні экспазіцыі дапамагала дызайнерка Алена Дашкевіч. Убачыць выставу Міхала Анемпадыстава можна да 16 красавіка.

Чытайце таксама:

Стужка навiн
0