Азаранка прабілася ў фінал тэніснага турніру ў Мантэрэі

© AP / Aaron FavilaАзаранка прабілася ў фінал тэніснага турніру ў Мантэрэі
Азаранка прабілася ў фінал тэніснага турніру ў Мантэрэі - Sputnik Беларусь
Падпісацца
У фінале беларуска сустрэнецца з іспанкай Гарбін Мугурусай - раней яны сустракаліся ў 2016 годзе, тады мацнейшай аказалася Азаранка.

МІНСК, 7 кра - Sputnik. Беларуская тэнісістка Вікторыя Азаранка стала фіналісткай турніру ў мексіканскім Мантэрэі, прызавы фонд спаборніцтваў складае 250 тысяч долараў.

Беларуская тэнісістка Вікторыя Азаранка - Sputnik Беларусь
Беларуская тэнісістка Азаранка прайшла ў паўфінал турніру ў Мантэрэі

Былая першая ракетка свету, якая займае цяпер 67-е месца ў рэйтынгу WTA, у паўфінале абыграла немку Ангеліку Кербер (пятая ракета планеты). Сустрэча працягвалася 2 гадзіны 13 хвілін. У трохсэтавым паядынку аказалася мацнейшай беларуска: 6:4, 4:6, 6:1.

Раней на шляху да фіналу Азаранка перамагла японку Мію Като, казахстанскую спартсменку Зарыну Дыяс і расіянку Анастасію Паўлючэнкаву.

У вырашальным матчы беларуска сустрэнецца з іспанкай Гарбін Мугурусай (19). Спартсменкі толькі аднойчы змагаліся на корце: вясной 2016 года на турніры ў Маямі перамогу атрымала беларуска (7:6, 7:6). Азаранка тады выйграла спаборніцтвы ў Маямі і заваявала свой 20-й (і пакуль апошні) тытул на турнірах WTA.

Фінальны паядынак тэніснага турніру ў Мантэрэі адбудзецца ў ноч на 8 красавіка.

Стужка навiн
0