Дададуць вастрыні: сталі вядомыя падрабязнасці IV фестывалю "Еўразія.DOC"

© Sputnik / Виктор ТолочкоДададуць вастрыні: сталі вядомыя падрабязнасці IV фестывалю "Еўразія.DOC"
Дададуць вастрыні: сталі вядомыя падрабязнасці IV фестывалю Еўразія.DOC - Sputnik Беларусь
Падпісацца на
НовостиTelegram
Новым старшынёй журы конкурсу стаў дэкан Вышэйшай школы тэлебачання МДУ Віталь Траццякоў.

МІНСК, 9 кра - Sputnik. Фестывалю "Еўразія.DOC" трэба дадаць вастрыні, заявіў падчас тэлемосту Мінск - Масква ў мультымедыйным прэс-цэнтры Sputnik Беларусь дэкан Вышэйшай школы тэлебачання МДУ Віталь Траццякоў.

Хочацца скандалу

"Трэба падняць вядомасць гэтага фестывалю ў Маскве, у Расіі, па меншай меры па мінскім ўзроўні. Другі крок - падняць аўтарытэт конкурсу. Трэба прысудзіць каму-небудзь прыз за тое, што ніхто не чакаў, зрабіць нейкую сенсацыю", - агучыў задачы Віталь Траццякоў, які змяніў у крэсле старшыні журы журналіста Уладзіміра Мамантава.

Круглы стол на тэму: Дакументальнае кіно ў эпоху постпраўды ў прэс-цэнтры Sputnik - Sputnik Беларусь
Шэхаўцоў: цікавасць да фестывалю "Еўразія. DOC" узрастае

Ён таксама лічыць, што "фестывалю трэба дадаць вастрыні, паколькі тэматыка краін СНД так і застаецца тэматыкай, а праблематыкі няма".

"Жыццё ў СНД значна вастрэй, канфліктней, з большай колькасцю інтрыг і ўсякіх іншых займальных рэчаў, чым гэта паказваецца ў фільмах аўтараў, якія імкнуцца ўліцца ў станоўчы пафас СНД - сяброўства народаў, брацкія народы. Ён празмерны", - удакладніў новы старшыня журы фестывалю.

А следам дадаў, што добры скандал не шкодзіў ніводнаму фестывалю, хоць раздзімаць нешта спецыяльна арганізатары не будуць.

Адкрыўся свету

Падчас сустрэчы стала вядома, што IV фестываль пройдзе на пляцоўках у Мінску і Смаленску з 30 верасня па 4 кастрычніка 2019 года.

"Мы пачыналі фестываль пераважна палітычнага кіно, з такім акцэнтам. Але пры гэтым за 4 гады фестываль развіваўся, і мы, вядома, пашырылі жанр фільмаў, якія прымалі ўдзел. І ад такога жорсткага палітычнага кіно мы адышлі, у нас з'явіліся актуальныя фільмы для грамадзка-палітычнага жыцця краін СНД. Гэта могуць быць тэмы як унутраных праблем садружнасці, пытанні агульнай гісторыі і культуры", - распавёў дырэктар фестывалю Валерый Шахаўцоў.

© Sputnik / Виктор ТолочкоСтаршыня Саюза кінематаграфістаў Рэспублікі Беларусь Віктар Васільеў
Дададуць вастрыні: сталі вядомыя падрабязнасці IV фестывалю Еўразія.DOC - Sputnik Беларусь
Старшыня Саюза кінематаграфістаў Рэспублікі Беларусь Віктар Васільеў

Паводле яго слоў, у мінулым годзе ў дырэкцыю конкурсу паступіла больш за 150 работ з 20 краін. Будучы фестываль таксама адкрыты для ўсяго свету, але адбор карцін у кароткую праграму будзе адбывацца па актуальнасці тэмы менавіта ў прасторы СНД.

"У нас з фестывалем ужо даўняя дружба. У гэтым годзе ў нас самыя станоўчыя адчуванні, нам хочацца пабольш драйву. Пляцоўкі Sputnik і МІА "Россия сегодня" заўсёды да паслуг фестывалю. Я жадаю конкурсу добрага шляху і 7 футаў пад кілем", - запэўніў арганізатараў кіраўнік інфармацыйнага агенцтва і радыё Sputnik Беларусь Андрэй Качура.

Моладзевы фармат

Важна адзначыць, што фармат фестывалю прадугледжвае не толькі паказы фільмаў, але і правядзенне круглых сталоў, на якіх традыцыйна абмяркоўваюцца актуальныя для краін СНД і ўсёй постсавецкай прасторы пытанні. Асаблівая ўвага надаецца рабоце з маладымі дакумэнталістамі ў рамках праекта "Еўразія.DOC. 4 хвіліны".

© Sputnik / Виктор ТолочкоСакратар Беларускага саюза журналістаў Андрэй Крывашэеў
Дададуць вастрыні: сталі вядомыя падрабязнасці IV фестывалю Еўразія.DOC - Sputnik Беларусь
Сакратар Беларускага саюза журналістаў Андрэй Крывашэеў

"Мы не кажам нашым аўтарам, пра што ім здымаць, як падымаць праблематыку, што важна, а што не важна, што скандальна, а што не скандальна. Яны самі вызначаюць. У Мінску ў нас вялікая папулярнасць, нас глядзяць і вялікія людзі, і не вельмі вялікія. Розныя людзі глядзяць, а вось па абласцях можна адзначыць Гродна, Брэст і Магілёўскую. Гэта такія лакаматывы нашай студэнцкай дакументалістыкі", - распавёў сакратар Беларускага саюза журналістаў Андрэй Крывашэеў, які ў гэтым годзе зоймецца арганізацыяй моладзі на фестывалі.

Таксама падчас тэлемосту

Таксама падчас тэлемосту пра кухню фестывалю распавяла аглядальнік "Комсомольской правды", кіраўнік медыяклуба "Фармат А-3" Галіна Сапожнікава.

Сваім вопытам удзелу падзяліўся лаўрэат трэцяга фестывалю, аглядальнік НТБ Уладзімір Чарнышоў.

Меркаванне аб конкурсе выказалі старшыня Саюза кінематаграфістаў Рэспублікі Беларусь Віктар Васільеў і палітаглядальнік Аляксей Дзермант.

Першы фестываль дакументальнага кіно краін СНД "Еўразія.DOC" прайшоў у чэрвені 2016 года ў Смаленску і Мінску. Яго стварылі, каб падтрымаць працэсы інтэграцыі на постсавецкай прасторы.

Стужка навiн
0