МІНСК, 23 кра - Sputnik. Экс-першая ракетка свету беларуска Вікторыя Азаранка пазмагаецца з расіянкай Верай Званаровай у першым крузе турніру WTA ў нямецкім Штутгарце, паведамляецца на афіцыйнай старонцы спаборніцтваў у Twitter.
Турнір з прызавым фондам 820 тысяч долараў стартаваў у аўторак і працягнецца да 28 красавіка. У першым крузе Азаранка павінна была згуляць супраць іспанкі Гарбін Мугуруса, але тая знялася са спаборніцтваў з-за хваробы. Затым у сувязі з траўмай ад выступу адмовілася румынка Сімона Халеп.
Арганізатары былі вымушаныя перагледзець сетку турніру: замест Мугуруса і Халеп як lucky loser выступяць расіянка Вера Званарова і італьянка Джулія Гата-Мантыконе. Званарова ў першым крузе выйдзе на корт супраць Азаранка, а Мантыконе - супраць харваткі Доны Векіч.
Нагадаем, у мінулыя выхадныя Азаранка разам з беларускай зборнай пацярпела паражэнне ў паўфінале Кубка Федэрацыі ад каманды Аўстраліі.
