Беларускі гурт Shuma атрымаў Міжнародную прэмію імя Сяргея Курохіна ў намінацыі "Этнамеханіка". Гэтай узнагародай, якая з'явілася ў 2009 годзе, яе заснавальнікі падтрымліваюць развіццё новых мультымедыйных жанраў, сучаснай музыкі і сцэнічных праектаў.
Вядомая беларуская вакалістка, удзельніца праекта Shuma Руся (Марына) Шукюрава падзялілася са слухачамі Sputnik прыемнай навіной і трохі распавяла аб самой прэміі.
"Прэмія мае фізічнае ўвасабленне ў выглядзе статуэткі, якая адлюстроўвае збожжа ячменю срэбнага колеру, якое ледзь расчынілася, яе можна ўбачыць у Instagram і на shuma.by. Прэмія заклікана падтрымаць прагрэсіўных музыкаў і мастакоў, падтрымаць знакам якасці, пазнакай, лэйблам. Прэмія павышае статус яе ўладальніка ў артыстычнай "тусоўцы", сярод прадстаўнікоў актуальнай, незалежнай музыкі", - сказала Руся.
Па сцвярджэнні суразмоўніцы Sputnik, прэмія імя Сяргея Курохіна - гэта "не пра поп-музыку", гэта ўзнагарода для самабытных, аўтэнтычных артыстаў. Група ўжо атрымала запрашэнні выступіць у Германіі, Галандыі і Францыі.
Каментар Русі (Марыны) Шукюравой слухайце ў аўдыёзапісе на радыё Sputnik Беларусь.
