Да канца серыяла "Гульня тронаў" засталося ўсяго тры серыі (усяго іх шэсць). Трэці эпізод ("Доўгая ноч") апошняга сезона выйшаў у ноч на панядзелак. Як і чакалася, гэтая серыя апынулася шмат у чым ключавыой для сюжэту ўсяго праекта. Што ж адбылося ў новай серыі "Гульні тронаў" і, што важна, хто памёр у трэцім эпізодзе?
Увага! Далей у тэксце будуць спойлеры.
Усё дзеянне серыі "Доўгая ноч" праходзіць у замку Вінтэрфел. Да яго падышла армія мёртвых, і бітва за горад пачынаецца літаральна з першых хвілін новага эпізоду.
Нечакана ў замак прыязджае жрыца Уладыкі Света Мелісандра. Яна замаўляе зброю датракійцаў, і тая ўспыхвае агнём - як вядома, армія мерцвякоў уразлівая перад полымем. Аднак гэта не надта дапамагае: "белыя хадакі" і мёртвыя ўсё роўна падступаюць да Вінтэрфела, змагаючыся на сваім шляху з войскам датракійцаў і бездакорных.
Тым часам Дэенерыс і Джон Сноў на драконах сочаць за бітвай здалёк. Яны чакаюць з'яўлення Караля Ночы. Зрэшты, для іх гэта аказваецца не такой простым справай: пачынаецца снежная бура, і іх адносіць адзін ад аднаго. Сам жа Кароль Ночы на заваяваным драконе спрабуе змагацца з імі. Як высветлілася, полымя дракона супраць яго бяссільна.
Пакуль жанчыны, дзеці, а таксама бліжэйшыя дарадцы Дэенерыс (у тым ліку Тырыён Ланістар і Варыс) хаваюцца ў крыпце, у Багарошчы невялікая група салдат на чале з Тэонам Грэйджоем абараняе Брана Старка - ён выступае як прынада для Караля Ночы.
Мелісандра дапамагае абаронцам Вінтэрфела яшчэ раз: падпальвае роў. Аднак і гэта спыняе мерцвякоў ненадоўга, у выніку яны прарываюцца ў замак. У бітве з імі гінуць многія персанажы: Берык Дандарыён, Ліяна Мармонт, Эдысан Толет і іншыя. Адважна змагаецца з ворагам Ар'я, аднак і яна разумее, што доўга трымацца не выйдзе.
Дракона Дэенерыс захопліваюць мерцвякі, у выніку яна і Джорах застаюцца пасярод поля і бяруцца за мячы. Джон Сноў таксама спрабуе змагацца з мёртвымі, аднак шанцаў усё менш: у замак уварваўся мёртвы дракон. Прабраліся мёртвыя і ў крыпту, дзе пачалі забіваць людзей. У адной з залаў замка Ар'я сустракае Мелісандру. Тая нагадвае ёй пра тое, як казала, што Ар'е прыйдзецца зачыніць шмат вачэй, "у тым ліку і блакітных".
Джорах Мармонт гіне, абараняючы Дэенерыс.
Усе абаронцы Брана загінулі, застаўся адзін Тэон Грэйджой. Калі падыходзіць Кароль Ночы, Тэон кідаецца на яго з дзідай, аднак гіне. У апошнія хвіліны Бран дзякуе Тэона за тое, што ён добрым чалавекам.
Кароль Ночы ўшчыльную падыходзіць да бітвы. І тут на яго ззаду кідаецца Ар'я Старк: кінжалам з драконавым шклом яна забівае ўладара мёртвых. Армія "белых хадакоў" рассыпаецца, мёртвыя таксама падаюць. Перамогу ў выніку атрымоўваюць жывыя.
Такім чынам, у наступных серыях "Гульні тронаў" (нагадаем, іх засталося тры) асноўная барацьба за Жалезны трон разгорнецца паміж прыхільнікамі Дэенерыс і Джона Сноў з аднаго боку і Сэрсэі - з другога. Хоць стваральнікі праекта ўмеюць здзіўляць: усё яшчэ можа вельмі моцна змяніцца.
