"Па-першае мяне ніхто не запрашаў у Маскву. А калі б і запрасілі, то не змог бы паехаць", - заявіў кіраўнік дзяржавы журналістам у чацвер у Мінску.
Паводле яго слоў, "цяжка развесці гэтыя два мерапрыемствы" - урачыстасці ў Мінску і ў Маскве на 9 мая.
Прэзідэнт адзначыў, што калі б ён паехаў у Маскву на 9 мая, то ў прэсы б з'явілася маса пытанняў - чаму ён не прымае ўдзелу ў мерапрыемствах на плошчы Перамогі ў Мінску. "Беларускі народ гэтага б не зразумеў", - сказаў прэзідэнт.
"Канспіралогіі тут няма ніякай, таксама няма ніякай палітыкі", - адзначыў Лукашэнка.
Кіраўнік дзяржавы абверг чуткі і інфармацыйныя ўкіды аб тым, што нібыта ў Маскву на парад Перамогі ад Беларусі не паехаў ніхто. Паводле яго слоў, там сёння было шмат і простых беларусаў і беларускіх чыноўнікаў.
Лукашэнка адзначыў, што 9 мая заўсёды прысутнічае на ўрачыстасцях з нагоды Вялікай Перамогі ў беларускай сталіцы, сустракаецца з ветэранамі, гэта ўжо стала традыцыяй. І сёння, па традыцыі разам з прэзідэнтам у цырымоніі ўскладання кветак і вянкоў да манумента перамогі прынялі ўдзел яго тры сыны.
Кіраўнік дзяржавы таксама адзначыў, што сёння раніцай перад тым, як прыбыць на Плошчу Перамогі, паглядзеў па тэлебачаньні як праходзіць святкаванне 9 мая ў Расіі.
Парад Перамогі прайшоў у чацвер на Краснай плошчы ў Маскве. Высокім замежным госцем на мерапрыемстве стаў экс-прэзідэнт Казахстана Нурсултан Назарбаеў - ён сачыў за парадам з галоўнай трыбуны разам з прэзідэнтам РФ Уладзімірам Пуціным і расійскім прэм'ерам Дзмітрыем Мядзведзевым.
