Калі скончацца дажджы ў Беларусі? Прагноз надвор'я да канца тыдня

© PexelsКалі спыняцца дажджы ў Беларусі? Прагноз надвор'я да канца тыдня
Калі спыняцца дажджы ў Беларусі? Прагноз надвор'я да канца тыдня - Sputnik Беларусь
Падпісацца
Ападкі чакаюцца ў рэспубліцы да канца тыдня: паводле папярэдняга прагнозу, дажджы спыняцца ў рэспубліцы толькі ў трэцяй дэкадзе мая.

МІНСК, 13 мая - Sputnik. Дажджы з навальніцамі чакаюцца ў розных раёнах рэспублікі да канца тыдня, пра гэта сведчаць дадзеныя рэспубліканскага гідраметцэнтра.

Сіноптыкі папярэдзілі беларусаў аб навальніцах 13 і 14 мая - Sputnik Беларусь
Сіноптыкі папярэдзілі беларусаў аб навальніцах 13 і 14 мая

У аўторак 14 мая сіноптыкі прагназуюць ападкі. Туман і кароткачасовыя дажджы чакаюцца ноччу ў асобных раёнах краіны, а днём - у асноўным на паўднёвым усходзе. Пасля абеду месцамі прагрымяць навальніцы.

Мінімальная тэмпература паветра ў гэты дзень складзе +5..+11°С, а днём будзе знаходзіцца ў межах ад +13°С па захадзе да +24°С па паўднёвым усходзе Беларусі.

Часам пахмурна будзе таксама ў сераду і чацвер 15 і 16 мая: кароткачасовыя дажджы пройдуць па ўсёй краіне (а месцамі зноў прагрымяць навальніцы). Тэмпература паветра ў начны час будзе складаць +6..+14°С, а ў другой палове дня стане падымацца да +15..+24°С (у паўднёва-ўсходняй частцы рэспублікі).

У пятніцу, паводле папярэдніх прагнозаў Белгідраметцэнтра, ападкі чакаюцца толькі на паўднёвым захадзе Беларусі, а ў выхадныя кароткачасовыя дажджы і навальніцы чакаюцца толькі ў асобных раёнах.

Тэмпературныя паказчыкі ў другой палове тыдня будуць адрознівацца слаба. Так, 17, 18 і 19 мая начамі ў сярэднім па краіне чакаецца +3..+14°С, днём будзе цяплець да +15..+24°С.

Згодна з папярэднім прагнозам на Gismeteo.by, дажджы спыняцца ў рэспубліцы толькі ў трэцяй дэкадзе мая: так, па дадзеных на сёння, бліжэйшы ясны дзень чакаецца ў рэспубліцы 21 красавіка.

Стужка навiн
0