Мезенцаў распавёў, куды едзе працаваць - у Беларусь ці "Белоруссию"

© Sputnik / Владимир Песня / Перайсці ў медыябанкДзмітрый Мезенцаў
Дзмітрый Мезенцаў - Sputnik Беларусь
Падпісацца
Новы пасол адказаў на пытанне, якое перыядычна выклікае спрэчкі ў грамадстве, адназначна - Рэспубліка Беларусь.

МІНСК, 30 мая - Sputnik. Новы Надзвычайны і Паўнамоцны Пасол Расіі ў Беларусі Дзмітрый Мезенцаў у інтэрв'ю тэлеканалу "Расія 24" распавёў, у якую краіну паедзе працаваць - Беларусь або "Белоруссию".

Уладзімір Макей - Sputnik Беларусь
Макей гатовы сустрэцца з Мезенцавым адразу па яго прыбыцці ў Мінск

Дыпламат у сераду 29 мая склаў з сябе паўнамоцтвы сенатара ад Сахалінскай вобласці, старшыні камітэта па эканамічнай палітыцы, чакаецца, што ён прыбудзе ў Мінск ужо ў нядзелю 2 чэрвеня.

Падчас інтэрв'ю на тэлеканале журналіст задала Мезенцаву пытанне, якое хвалюе многіх і перыядычна выклікае спрэчкі - пра назву краіны: Беларусь ці "Белоруссия". Новы пасол адказаў коратка і адназначна.

"Другога чэрвеня я адлятаю да свайго новага працоўнага месца - у сталіцу Рэспублікі Беларусь", - сказаў Мезенцаў.

Ён таксама распавёў пра перспектывы эканамічных адносін з Беларусі і Расіі: новы пасол заявіў, што трэба чуць адзін аднаго і ўлічваць інтарэсы дзвюх краін.

Пры гэтым Мезенцаў адзначыў, што такая практыка ўзаемадзеяння бакоў на розных узроўнях мае відавочны сумарны эфект і пазітыўны досвед працы стратэгічных партнёраў.

"Мы можам спрачацца пра нешта, з чымсьці не пагадзіцца, але мы проста абавязаны жыць у міры і дружбе, абавязаны бачыць і чуць інтарэсы партнёра, дапамагаць", - сказаў пасол.

Дзмітрый Мезенцаў быў прызначаны паслом Расіі ў Беларусі 30 красавіка - адпаведны ўказ падпісаў прэзідэнт РФ Уладзімір Пуцін. Як пазней заявілі ў прэс-службе Аляксандра Лукашэнкі, Мінск быў не супраць дадзенага прызначэння.

Стужка навiн
0