МІНСК, 6 чэр - Sputnik. Польскі Кракаў стаў адзіным прэтэндэнтам на правядзенне Еўрапейскіх гульняў у 2023 годзе, паведамляецца на афіцыйным сайце Еўрапейскіх алімпійскіх камітэтаў (EOК).
31 мая скончыўся тэрмін падачы дакументаў для ўдзелу ў конкурсе на права правядзенне спартыўнага форуму. EOК атрымаў адказ толькі ад Нацыянальнага алімпійскага камітэта (НАК) Польшчы, які прапанаваў сумесную заяўку Кракава і Малапольскага ваяводства.
Раней паведамлялася, што Казань таксама хоча прыняць Еўрапейскія гульні-2023. Але, мяркуючы па ўсім, горад не падаў заяўку.
Месца правядзення спаборніцтваў будзе вызначана на пазачарговай генеральнай асамблеі EOC ў Мінску 22 чэрвеня.
Еўрапейскія гульні 2023 года стануць трэцімі па ліку. Першыя прайшлі ў 2015 годзе ў Баку, другія Гульні адбудуцца 21-30 чэрвеня 2019 года ў Мінску.
