МІНСК, 7 чэр - Sputnik. Рух па некалькіх сталічных вуліцах часова абмяжуюць да II Еўрапейскіх гульняў, пра гэта папярэдзілі ў ДАІ ГУУС Мінгарвыканкама.
Абмежаванні закрануць усе віды транспарту за выключэннем афіцыйна акрэдытаванага дырэкцыяй Еўрапейскіх гульняў. Так, з 10 чэрвеня па 2 ліпеня рух будзе закрыты па вуліцы Чурленіса на ўчастку ад праспекта Дзяржынскага да Каралінскага праезду. Таксама абмежаванне будзе дзейнічаць на Каралінскім праездзе ад вуліцы Чурленіса да мясцовага праезду да вёскі спартсменаў.
Акрамя таго, з 17 ліпеня па 3 ліпеня будзе забаронены рух транспарту па вуліцы Гарадскі Вал на ўчастку ад вуліцы Няміга да праспекта Незалежнасці. У гэтым месцы будзе размешчаны адзін з транспартных хабаў, якія абслугоўваюць Еўрапейскія гульні.
Дзяржаўтаінспекцыя заклікае аўтамабілістаў улічваць гэтую інфармацыю падчас руху па горадзе ў пазначаныя перыяды і аб'язджаць участкі, дзе будуць дзейнічаць абмежаванні.
Як зменіцца арганізацыя руху ў Мінску да II Еўрапейскім гульняў, можна вывучыць з дапамогай інфаграфікі Sputnik.
