МІНСК, 14 чэр - Sputnik. Паказчык забяспечанасці насельніцтва практыкуючымі ўрачамі ў Беларусі у 2018 годзе склаў 44,9 урача на 10 тысяч чалавек насельніцтва, паведаміў Белстат ў аглядзе да дня медыцынскага работніка.
Дзень медыцынскага работніка ў Беларусі святкуюць у трэцюю нядзелю чэрвеня - у гэтым годзе свята выпадае на 16 чысло.
Самыя высокія паказчыкі па забяспечанасці практыкуючымі ўрачамі - у Мінску. Тут на 10 тысяч насельніцтва прыпадае 60 практыкуючых дактароў. Самыя нізкія паказчыкі - у Мінскай вобласці, тут гэтая лічба усяго 35 урачоў на 10 тысяч беларусаў.
Сярод практыкуючых урачоў у 2018 годзе найбольшая колькасць склалі спецыялісты тэрапеўтычнага і хірургічнага профілю. Тэрапеўтаў у краіне за 18,5 тысяч, лекараў хірургічнага профілю - 13,2 тысяч чалавек. На трэцім месцы доктара педыятрычнага профілю - 4,1 тысяч урачоў.
Пры гэтым у Беларусі практыкуе ўсяго адзін аудыёлаг. Урач гэтага профілю здольны ацаніць захворванні вуха, парушэнне ў раўнавазе і вестыбюлярным апараце. У канцы 2018 года ў краіне было тры практыкуючых трансплантолага, тры сэксолага, шэсць фаніятр і дзевяць мануальных тэрапеўтаў.
