Урачыстасць Найсвяцейшай Тройцы ў Гервятах штогод збірае сотні вернікаў. Апагеем свята становіцца нядзеля, калі праходзіць урачыстая імша.
У гэтым годзе на свята прыехалі пасол Літоўскай Рэспублікі ў Рэспубліцы Беларусь Андрус Пулокас, епіскап вільнюскі Арунас Панішкайціс і шматлікія святары Астравеччыны. Маліліся на трох мовах – беларускай, літоўскай і польскай.
У сваёй прамове Арунас Панішкайціс распавёў, што па дарозе ў Гервяты яго найбольш здзівілі ўсталяваныя на скрыжаваннях дарог крыжы. Па словах вільнюскага епіскапа, гэта яскравае сведчанне таго, што на Беларусі і на Астравеччыне жыве Бог. Скончылася святочная імша працэсіяй вакол касцёла.
Як прайшоў міжнародны Траецкі фэст у Гервятах, глядзіце ў фотастужцы Sputnik.
Чытайце таксама:
- Вось Бог, а вось цяжкі рок: святар слухае метал і піша рэп-казкі
- Айцец Юрый Кулай: як у сцяне касцёла ў Мядзелі знайшлі мошчы святых
- Ксёндз Чырвонага касцёла выканаў трук на гіраскутары – відэа
1/14
© Sputnik / Альфрэд Мікус
Траецкі фэст у Гервятах штогод збірае сотні вернікаў. У гэтым годзе свята прайшло 15-16 чэрвеня.
2/14
© Sputnik / Альфрэд Мікус
У першы дзень у сценах касцёла адкрылася фотавыстава Валерыя Вядрэнкі "Містэрыя Гервят".
3/14
© Sputnik / Альфрэд Мікус
Беларускі фатограф, мастак і публіцыст Валерый Вядрэнка працуе ва ўсіх жанрах фатаграфіі, аддаючы перавагу пейзажу і метафарычнаму лічбаваму мантажу. Яго творы знаходзяцца ў дзяржаўных музеях Беларусі і ў прыватных калекцыях Расіі, Літвы, Польшчы, ЗША.
4/14
© Sputnik / Альфрэд Мікус
На фота - касцёл і яго інтэр'ер у розныя гадзіны дня і ночы, а таксама фотапластычныя кампазіцыі на тэмы Евангелля.
5/14
© Sputnik / Альфрэд Мікус
Па словах аўтара, праект "Містэрыя Гервят" - гэта знак удзячнасці стваральнікам касцёла за ўвасабленне хрысціянскай ідэі, "якая сцвярджае на зямлі праўду, прыгажосць і веру".
6/14
© Sputnik / Альфрэд Мікус
Апагеем Траецкага фэсту стала нядзеля, калі адбылася ўрачыстая імша на беларускай, літоўскай і польскай мовах.
7/14
© Sputnik / Альфрэд Мікус
У гэтым годзе на свята прыехалі пасол Літоўскай Рэспублікі ў Рэспубліцы Беларусь Андрус Пулокас, епіскап вільнюскі Арунас Панішкайціс і шматлікія святары Астравеччыны.
8/14
© Sputnik / Альфрэд Мікус
У сваёй прамове Арунас Панішкайціс распавёў, што па дарозе ў Гервяты яго найбольш здзівілі ўсталяваныя на скрыжаваннях дарог крыжы.
9/14
© Sputnik / Альфрэд Мікус
Па словах вільнюскага епіскапа, гэта яскравае сведчанне таго, што на Беларусі і на Астравеччыне жыве Бог.
10/14
© Sputnik / Альфрэд Мікус
Абавязковая частка святочнай імшы - працэсія вакол касцёла, у якой удзельнічаюць усе госці свята.
11/14
© Sputnik / Альфрэд Мікус
У гэтым годзе ўздельнічалі ў свяце каля тысячы гасцей.
12/14
© Sputnik / Альфрэд Мікус
Вернікі прыехалі з розных куткоў Беларусі і Літвы.
13/14
© Sputnik / Альфрэд Мікус
Лічыцца, што калі на Тройцу ідзе дождж, лета будзе вельмі прыемным - і не жаркім, і не засушлівым.
14/14
© Sputnik / Альфрэд Мікус
Ва ўрачыстую нядзелю дождж ішоў у Гервятах ад самай раніцы і скончыўся як раз перад пачаткам святочнага шэсця.
