МІНСК, 20 чэр - Spunik. Міжнародны аўтапрабег з Масквы ў Брэст, прысвечаны 75-годдзю вызвалення Беларусі стартуе сёння ў Маскве, паведаміў намеснік старшыні ДТСААФ Расіі Мікалай Стаськоў.
Мемарыяльны аўтапрабег арганізаваны ДТСААФ дзвюх краін. 20 чэрвеня расійскія і беларускія экіпажы адправяцца ў шлях з Паклоннай гары ў Маскве. Працягласць маршруту аўтапрабегу складзе 2350 кіламетраў. Удзельнікі аўтапрабегу прыбудуць у Брэсцкую крэпасць 1 ліпеня і разам з беларусамі прымуць удзел ва ўрачыстасцях, прысвечаных 75-й гадавіне вызвалення краіны ад нямецка-фашысцкіх захопнікаў.
22 чэрвеня, у дзень пачатку Вялікай Айчыннай вайны, удзельнікі аўтапрабегу прымуць удзел у маштабнай ваенна-гістарычнай рэканструкцыі ў музеі-запаведніку "Барадзінская поле". У рэканструкцыі, якая прадэманструе эпізоды ўварвання нямецка-фашысцкіх захопнікаў на тэрыторыю СССР, будзе задзейнічана бронетэхніка і артылерыя часоў Другой сусветнай, а ў паветры "атаку" па наземных цэлях ажыццявіць авіяцыя ДТСААФ.
Маршрут аўтапрабегу пройдзе па месцах баявой славы - праз Маскву, Валакаламск, Калугу і Бранск, а на беларускай зямлі - праз Гомель, Магілёў, Мінск і Брэст. Аўтамабілісты абароннага таварыства правязуць праз усе гэтыя гарады гільзы з зямлёй з гарадоў-герояў і гарадоў воінскай славы.
