МІНСК, 29 чэр - Sputnik. Інтэграцыйны парадак дня ў рамках Саюзнай дзяржавы будзе пашырацца, сказаў пасол Расіі ў Беларусі Дзмітрый Мезенцаў, перадае карэспандэнт Sputnik.
У адказ на пытанне, што азначае будучы візіт прэзідэнта РФ Уладзіміра Пуціна ў Мінск дыпламат заявіў, што "такога маштабу падзея, якую трактаваць можна толькі адназначна - у падтрымку асаблівых адносін паміж Расіяй і Беларуссю, падтрымку новых планаў па інтэграцыйным парадку дня і падтрымку той традыцыі добрага , шчырага, сяброўскага стаўлення мільёнаў грамадзян нашых краін".
Паводле яго слоў, грамадзяне Расіі і Беларусі дзякуючы Саюзнай дзяржаве маюць сёння права выбіраць месца працы, месца жыхарства, лячэння і адпачынку без якіх-небудзь перашкод.
"Я думаю, што гэты парадак дня Саюзнай дзяржавы будзе пашырацца. Пры гэтым мы разумеем, што ў кожнай дзяржавы свой нацыянальны інтарэс", - адзначыў Мезенцаў.
Напрыканцы ён дадаў, што Расія і Беларусь павінны ўзаемадзейнічаць на карысць людзей, улічваючы нацыянальныя інтарэсы.
