Прыкладна паўгода таму прэзідэнт Беларусі Аляксандр Лукашэнка падарыў свайму расійскаму калегу Уладзіміру Пуціну чатыры мяшкі бульбы. У падарунак высокапастаўленаму калегу адправіліся бульба "Вектар", якая падыходзіць для адварвання, бульба "Маніфест" - яна добрая для дранікаў. Бульба "Нара" - самая прыгожая з тых, што вырошчвае прэзідэнт. А "Рубін" добра захоўваецца.
Прэс-сакратар прэзідэнта Наталля Эйсмант тады расхваліла прэзент, сказала, што самая лепшая, супер-элітная бульба - з прэзідэнцкага агарода.
Карэспандэнты Sputnik адварылі "Вектар" для вядучага радыё Sputnik Вячаслава Шарапава. А на суседнюю талерку паклалі звычайную бульбу з крамы. Вячаславу было даручана важнае заданне: усляпую параўнаць густ двух гэтых страў - варанай прэзідэнцкай і варанай крамнай бульбы.
Ад вядучага Sputnik мы чакалі бесстаронняга рэзюмэ - ён павінен быў вызначыць, якая бульба смачнейшая. Ці так добры той "Вектар", які Лукашэнка прэзентаваў Пуціну? Што гэта за "Маніфест" і з чым яго ядуць?
Вячаслаў да справы падышоў сур'ёзна і свядома. Разумеючы, што другога дубля не будзе і што самую смачную бульбу трэба вызначыць з першага разу і прытым зусім справядліва, ён узяўся за справу.
Бульба па левую руку ад Вячаслава падалася яму залішне вадкай. Бульба па правую нараканняў не выклікала. А каб даведацца, які з гэтых гатункаў - ад прэзідэнта, глядзіце відэа Sputnik.
Чытайце таксама:
- Якія гатункі беларускай бульбы самыя смачныя і ўраджайныя
- Лукашэнка навучыў, як эканомна смажыць бульбу
- Бацька беларускай кухні: 5 фактаў пра бульбу
