МІНСК, 15 жні - Sputnik. Вядомы амерыканскі кінаакцёр Эрык Робертс заявіў, што хацеў бы атрымаць расійскае грамадзянства, паведаміла РІА "Новости".
Робертс прыехаў у Сочы на дзесяты міжнародны турнір па баявым самба "Платформа S-70" - яго запрасілі на спаборніцтвы ў якасці ганаровага госця. Акцёр займаецца тхэквандо і з'яўляецца ўладальнікам чорнага пояса.
"Я вельмі люблю баявыя мастацтвы, байцоў, і таму я прыехаў у Расію, каб убачыць цудоўны вечар паядынкаў. Я хачу атрымаць другое грамадзянства, і яно будзе расійскае!" - сказаў ён.
Робертс нагадаў, што ўжо неаднаразова наведваў Расію, таму што гэтая краіна яму падабаецца. "Расія - гэта вельмі рамантычна. Яна нагадвае мне Амерыку...", - адзначыў акцёр.
Раней грамадзянства РФ атрымалі амерыканскі баец ММА Джэфры Монсан, амерыканскі акцёр Стывен Сігал, паўднёвакарэйскі канькабежац Віктар Ан, сноўбардыст Вік Уайлд, баксёр з ЗША Рой Джонс-малодшы і французскі акцёр Жэрар Дэпардзье.
