Бульба стала ў Беларусі сацыяльна значным таварам

© Pixabay / pixel2013Бульба, архіўнае фота
Бульба, архіўнае фота - Sputnik Беларусь
Падпісацца
У пераліку ёсць і іншыя змены: у яго ўнеслі манную і прасяныя крупы, мяса - буйнакавалкавыя паўфабрыкаты і адрубы, а таксама вараныя каўбасы, сардэлькі і сасіскі.

МІНСК, 15 жні - Sputnik. Беларускі ўрад унёс змены ў спіс сацыяльна значных тавараў, на якія прымяняюцца часова рэгуляваныя кошты, паведамілі ў чацвер у Савеце міністраў рэспублікі.

Адпаведнае рашэнне замацавана пастановай № 542, прынятай 15 жніўня бягучага года.

"Пашыраны пералік сацыяльна значных тавараў, цэны на якія рэгулююцца Міністэрствам антыманапольнага рэгулявання і гандлю не больш за 90 дзён на працягу аднаго года", - сказалі ў прэс-службе Саўміна.

Цяпер у гэты пералік увайшлі наступныя тавары:

  • пшанічны хлеб і батон
  • цвёрды і паўцвёрды сыр
  • свежыя яблыкі
  • чорны чай

Акрамя таго, у спіс уключаны новыя пазіцыі па свежай агародніне. Зараз часова цэны могуць рэгулявацца на:

  • бульбу
  • буракі
  • моркву
  • капусту
  • цыбулю
  • агуркі
  • памідоры

Пастановай Саўміна таксама прадугледжана, што цяпер абласныя выканаўчыя камітэты і Мінскі гарвыканкам не змогуць прымяняць рэгуляваныя кошты на свежыя бульбу, моркву, буракі, цыбулю і капусту.

У пераліку ёсць і іншыя змены: у яго ўнеслі манную і прасяныя крупы, мяса - буйнакавалкавы паўфабрыкаты і адрубы, а таксама вараныя каўбасы, сардэлькі і сасіскі.

З поўным спісам сацыяльна значных тавараў можна азнаёміцца на сайце Савета міністраў.

Чытайце таксама:

Стужка навiн
0