МІНСК, 9 вер - Sputnik. Службы адновяцца ў касцёле Узвышэння Святога Крыжа ў горадзе Целяханы ў Івацэвіцкім раёне пасля 80-гадовага перапынку, паведамілі ў Рымска-каталіцкай царкве ў Беларусі.
Гэты каталіцкі храм быў пабудаваны ў 1823 годзе, у савецкі час ў ім зрабілі кінатэатр, потым будынак выкупіў бізнесмен, і зусім нядаўна яго набыла РКЦ у Беларусі.
"14 верасня ў 12 гадзін адбудзецца першая святая Імша ў адноўленым гістарычным касцёле Узвышэння Святога Крыжа ў Целяханах. Гэта будзе першая служба поле 80-гадовага перапынку", - паведамілі Sputnik ў панядзелак у РКЦ у Беларусі.
Там распавялі гісторыю гэтага старадаўняга касцёла, які ў пасляваенныя атэістычныя часы выкарыстоўваўся як кіназалу, да яго нават прыбудавалі танцпляцоўку.
Святары таксама распавялі, што за вяртанне касцёла змагаўся яшчэ кардынал Казімір Свёнтэк.
"Але па прычыне высокіх коштаў, выстаўленых тады Міністэрствам культуры, пытанне не было вырашана. Некалькі гадоў таму будынак быў выкуплена бізнесменам з Баранавіч і стаяў ў заняпадзе каля 5 гадоў", - распавялі прадстаўнікі РКЦ.
У мінулым годзе дыяцэзія выкупіла будынак у Івацэвіцкага райвыканкама і пачатку работы па яго аднаўленні.
