МІНСК, 16 вер - Sputnik. УЎвядзенне ў Беларусі электронных працоўных кніжак засцеражэ работніка ад нядобрасумленнага наймальніка, а самому працадаўцу спросціць працэс вядзення дакументазвароту, распавяла ў эфіры АНТ міністр працы і сацыяльнай абароны Ірына Касцевіч.
Часам пры фарміраванні пенсійных правоў не ўдаецца знайсці дакументы, якія пацвярджаюць пэўны перыяд працоўнай дзейнасці чалавека.
Ужо цяпер пашыраны палі, якія даступныя для запаўнення ў працоўнай кніжцы. Гэта яшчэ адзін крок да аўтаматызацыі ўліку, патлумачыла Касцевіч.
"Мы будзем мець найменне прафесій і пасад служачых, з'явіцца такая інфармацыя, як праца па сумяшчальніцтве, перавод з адной пасады на іншую. Гэты фрагмент працоўнай дзейнасці будзе аблічбаваны", - сказала міністр.
Электронныя працоўныя кніжкі, якія дадуць магчымасць у лічбавай форме абагульніць інфармацыю аб працоўным вопыце кожнага беларуса, плануецца ўвесці ў 2020 годзе.
Для наймальніка ўвядзенне электронных працоўных кніжак таксама мае важнае значэнне і спрашчае вядзенне дакументазвароту.
