МІНСК, 17 вер - Sputnik. Прэзідэнт Беларусі Аляксандр Лукашэнка павіншаваў народнага артыста Расіі Уладзіміра Мяньшова з 80-годдзем, пра гэта паведаміла прэс-служба Беларускага лідара.
Фільмы любяць розныя пакаленні
Аляксандр Лукашэнка адзначыў, што рэжысёрскія і акцёрскія работы Мяньшова сталі класікай савецкага і расійскага мастацтва, іх ведаюць і любяць гледачы розных пакаленняў.
"У Беларусі Вас ведаюць і цэняць як майстру, глыбока захопленага любімай справай, чалавека, які нястомна імкнецца да заваявання новых вяршынь", - адзначыў беларускі прэзідэнт.
Ён таксама пажадаў Уладзіміру Мяньшову моцнага здароўя, новых поспехаў, шчасця і дабрабыту і выказаў упэўненасць, што яго творчасць яшчэ многія гады будзе дарыць радасць і добры настрой адданым прыхільнікам, спрыяць развіццю культурнага супрацоўніцтва і ўмацаванню дружбы паміж народамі Беларусі і Расіі.
Поспех - з першага фільма
Уладзімір Мяньшоў пачынаў як кінаакцёр. На яго рахунку каля 120 роляў у кіна- і тэлестужках, сярод якіх: "Чалавек на сваім месцы", "Сказ пра тое, як цар Пётр арапа жаніў", "Дзе знаходзіцца нофелэт?", Начны дазор", "Дзённы дазор", "Generation "П", серыялы "Дыверсант", "Ліквідацыя", "Кацярына"(2014), і іншыя.
Як рэжысёр Мяньшоў дэбютаваў у 1976 годзе з фільмам "Розыгрыш". Па выніках пракату 1977 года карціну паглядзела рэкордная колькасць гледачоў, яго стваральнікі былі ўдастоены Дзяржаўнай прэміі РСФСР.
Наступны фільм стаў яшчэ больш паспяховым - "Масква слязам не верыць" за першы год пракату паглядзела амаль 90 мільёнаў гледачоў. Стваральнікі фільма атрымалі Дзяржаўную прэмію СССР. У 1981 году Амерыканская акадэмія кінамастацтва прысудзіла фільму "Оскар".
У 1984 году Мяньшоў зняў карціну "Каханне і галубы" па аднайменнай п'есе Уладзіміра Гуркіна, якую палюбіла не адно пакаленне тэлегледачоў.
Уладзімір Мяньшоў вядзе майстэрню ў Вгiке, кіруе рэжысёрскай майстэрняй на Вышэйшых курсах рэжысёраў і сцэнарыстаў. Іграў у тэатры імя А. С. Пушкіна разам са сваёй жонкай Верай Алентавай.
Sputnik падрыхтаваў падборку лепшых фільмаў рэжысёра - паглядзіце, там напэўна ёсць ваш любімы!
