МІНСК, 20 вер - Sputnik. Навучанне дзяцей у беларускіх школах будзе даражэй абыходзіцца бюджэту: урад павялічыў нарматывы выдаткаў. Адпаведная пастанова Савета Міністраў ад 18 верасня 2019 года №629, сёння афіцыйна апублікавана на Нацыянальным прававым інтэрнэт-партале.
У прыватнасці, у дакуменце зменена палажэнне аб планаванні выдаткаў мясцовых бюджэтаў на фінансаванне дзяржаўных сярэдніх школ.
Нарматывы выдаткаў на навучанне і выхаванне аднаго вучня ў школах ўстаноўлены на 2020 год.
Так, у школах, якія знаходзяцца ў гарадах і пасёлках гарадскога тыпу, нарматыў вырас да Br1954,8 у год (раней было Br1667,92). У сельскіх школах выдаткі на навучанне аднаго вучня ўзраслі да Br4463,87 у год (ранейшы нарматыў - Br3808,76).
Варта дадаць, што ў нарматыў уваходзяць выдаткі на выкананне адукацыйных праграм агульнай сярэдняй адукацыі, спецыяльнай адукацыі і г.д, уключаючы аплату працы педагагічных работнікаў, выхадныя дапамогі, камандзіроўкі, аплату сувязі, транспартных паслуг і іншых бягучых выдаткаў.
Нядаўна ўрад вырашыў падняць заробкі настаўнікам у сельскіх школах. Павышэнне тарыфных ставак распаўсюдзіцца на адносіны, якія ўзніклі з 1 верасня гэтага года. Гэта пастанова будзе дзейнічаць да канца года.
Чытайце таксама:
- Раўнапраўе ў школьных сталовых: абеды сталі аднолькавымі для ўсіх
- Лукашэнка заклікаў школьнікаў не ісці ў айцішнікі
- Мясніковіч выказаўся пра школьныя паборы
