МІНСК, 10 кас -Sputnik. Больш за траціну дэпутатаў дзеючага складу ніжняй палаты беларускага парламента зноў заявілі аб сваіх дэпутацкіх амбіцыях, паведаміла журналістам кіраўнік ЦВК Лілія Ярмошына.
"На гэтых выбарах колькасць дэпутатаў, якія вылучаны кандыдатамі, значна большая, чым гэта было ў 2016 годзе", - паведаміла Ярмошына.
Паводле яе слоў, у гэтым годзе лічба дэпутатаў, якія заявілі пра свае парламенцкія амбіцыі перавысіла 30% ад дзеючага складу.
Кіраўнік ЦВК адзначыла, што не бачыць у гэтым нічога страшнага, а наадварот, вітае. Паводле яе слоў, у многіх краінах свету праца ў парламенце пераходзіць на прафесійную аснову.
"Гэта вельмі нармальна, парламенцкая дзейнасць ператвараецца ў прафесійную. У многіх краінах свету парламентарыі працуюць у парламентах большую частку жыцця", - сказала Ярмошына.
Паводле яе слоў, гэта дазваляе захаваць прынцыпы пераемнасці.
Разам з тым яна паведамляла, што склад Савета Рэспублікі можа абнавіцца практычна цалкам.
