МІНСК, 31 кас - Sputnik. Беларускія навукоўцы рыхтуюць да выдання новы "Тлумачальны слоўнік" і слоўнік беларускіх гаворак, паведаміў дырэктар Інстытута мовазнаўства імя Якуба Коласа Цэнтра даследванняў беларускай культуры, мовы і літаратуры НАН Беларусі Ігар Капылоў.
Плануецца, што выданне будзе прадстаўлена ў 15 тамах, у яго ўвойдуць 250 тысяч слоў.
Спецыліст адзначыў, што акрамя літаратурнай мовы рыхтуецца праект па мове дыялектнай.
"Мы ствараем зводны слоўнік беларускіх народных гаворак. Гэта яшчэ адзін знакавы праект. Перад намі стаіць задача максімальна сабраць і зафіксаваць адпаведную лексіку ў выглядзе электроннага слоўніка, а потым выдаць папяровы варыянт", - цытуе словы дырэктара інстытута БелТА.
Таксама хутка з’явіцца электронны рэсурс, на якім будуць прадстаўлены тэксты розных жанраў і стыляў. Стваральнікі ўпэўненыя, што ён дапаможа аптымізаваць працу не толькі навукоўцаў, але і настаўнікаў, рэдактараў і усіх, хто цікавіцца беларускай мовай.
Папярэдні аднатомны тлумачальны слоўнік беларускай мовы быў прэзентаваны ў 2017 годзе. У яго ўвайшло больш за 65 тысяч слоў і размяшчаліся не только тлумачэнні значэнняў, але і інформацыя па арфаграфіі, націску, словазмяненні, словазлучэнні і граматычных характарыстыках.
