МІНСК, 28 ліс - Sputnik. Сусветны банк прагназуе запаволенне росту эканомікі Беларусі ў бліжэйшыя гады, паведамілі ў чацвер у арганізацыі.
Міжнародная арганізацыя перагледзела прагноз па эканамічнаму росту Беларусі ў бок паніжэння.
Так, па прагнозах Сусветнага банка, у гэтым годзе беларуская эканоміка прырасце за ўсё на працэнт, у 2020 - на 0,9%, а ў 2021 - і зусім толькі на 0,5%. Зрэшты, сітуацыю яшчэ можна паспрабаваць выправіць.
"Чаканы перыяд павольнага росту можна скараціць з дапамогай належных умоў для паскоранага аднаўлення. Асобныя важныя крокі ўжо былі зроблены, напрыклад падтрыманне макраэканамічнай стабільнасці і зніжэнне ўзроўню інфляцыі. Тым не менш, неабходныя далейшыя дзеянні па рэструктурызацыі дзяржаўных прадпрыемстваў, рэфармаванні фінансавага сектара і павышэнню адраснасці сістэмы сацыяльнай абароны", - растлумачыў кіраўнік прадстаўніцтва СБ у Беларусі Алекс Крэмер.
Таксама Сусветны банк правёў даследаванне дзелавога асяроддзя і эфектыўнасці прадпрыемстваў. Паводле вынікаў даследавання, прыватныя кампаніі лічаць ўнутранае асяроддзе больш спрыяльнай, аднак даступнасць фінансавання, адзначыў эканаміст СБ Кірыла Гайдук, па-ранейшаму з'яўляецца стрымліваючым фактарам.
Чытайце таксама:
- Сусветны банк выдзеліць Мінску амаль $100 млн на праект па энергакарыстанні
- Беларусь пагоршыла пазіцыі ў рэйтынгу Doing Business
- Сусветны банк выдзеліць сродкі на цеплавую мадэрнізацыю беларускіх дамоў
