МІНСК, 3 сне - Sputnik. Сустрэча прэзідэнта Беларусі Аляксандра Лукашэнкі і яго расійскага калегі Уладзіміра Пуціна адбудзецца напрыканцы бягучага тыдня, паведаміла РІА "Новости" прэс-сакратар Беларусі Наталля Эйсмант.
"Гэта ўжо, напэўна, не сакрэт - сустрэча прэзідэнтаў Беларусі і Расіі, як плануецца, адбудзецца напрыканцы гэтага тыдня. Да гэтага чарговы раўнд перамоваў правядуць прэм'еры, затым яны даложаць аб выніках працы кіраўнікам дзяржаў", - сказала Эйсмант.
Сустрэчу двух лідараў 7 снежня пацвердзіў і прэс-сакратар прэзідэнта РФ Дзмітрый Пяскоў.
"Магу пацвердзіць, такая сустрэча рыхтуецца", - паведаміў ён журналістам у аўторак.
Па словах Пяскова, у Сочы будуць абмяркоўвацца пытанні двухбаковых адносінаў, дарожныя карты па развіцці Саюзнай дзяржавы, крупные інвестпраекты і "газавыя справы".
"Шлях інтэграцыі дзвюх краін баў абраны даўно, мы крочым паслядоўна ў развіцці нашай Саюзнай дзяржавы", - канстатаваў ён.
Нагадаем, у цяперашні час ідзе праца па падрыхтоўцы дарожных карт па інтэграцыі. Рабочыя групы шукаюць агульнае выйсце па спрэчных пытаннях, кампрамісу па якіх яшчэ не атрымалася дасягнуць. Як заяўляў беларускі пасол у Маскве Уладзімір Сямашка, асноўныя супярэчнасці датычацца пытанняў кошта на расійскі газ для рэспублікі ў 2020 годзе і кампенсацыі Мінску страт у выніку падатковага манеўру ў нафтавай сферы РФ.
Дапрацоўка інтэграцыйных дарожных карт з расійскага боку вядзецца на ўзроўні Мінэканамразвіцця, куратарам гэтай працы прызначаны першы намеснік міністра эканамічнага развіцця Міхаіл Бабіч, які раней працаваў паслом Расіі ў Беларусі.
Бакі маюць намер скончыць працу па дарожных картах да 8 снежня - у гэты дзень дамове аб стварэнні Саюзнай дзяржавы споўніцца 20 гадоў.
Чытайце таксама:
- Зацверджаны бюджэт Саюзнай дзяржавы на 2020 год
- Рапота лічыць 2019 год самым інтэнсіўным для Саюзнай дзяржавы
