Лукашэнка павіншаваў музей Якуба Коласа з 60-годдзем з дня заснавання

© Sputnik / Віктар ТалочкаДзяржаўны літаратурна-мемарыяльны музей Якуба Коласа
Дзяржаўны літаратурна-мемарыяльны музей Якуба Коласа  - Sputnik Беларусь
Падпісацца
Прэзідэнт адзначыў, што сёння музей з'яўляецца своеасаблівым цэнтрам беларускай культуры і месцам, дзе захоўваецца памяць пра жыццё і творчасць класіка.

МІНСК, 4 сне - Sputnik. Прэзідэнт Беларусі Аляксандр Лукашэнка павіншаваў калектыў Дзяржаўнага літаратурна-мемарыяльнага музея Якуба Коласа з 60-годдзем з дня заснавання, пра гэта паведамілі ў прэс-службе кіраўніка дзяржавы.

"Сёння ўстанова з'яўляецца своеасаблівым цэнтрам айчыннай культуры, месцам, дзе беражліва захоўваецца гісторыя жыцця і дзейнасці песняра - класіка, які ўнёс вялікі ўклад у фарміраванне літаратурнай мовы і патрыятычнай свядомасці беларускага народа", - падкрэсліў прэзідэнт.

Лукашэнка выказаў меркаванне, што ўнікальныя экспазіцыі, выстаўленыя ў музеі, а таксама розныя праекты і праграмы прыцягваюць экскурсантаў і дэманструюць шматгранны вобраз знакамітага пісьменніка.

Ваенныя, ратавальнікі і дыпламаты прачыталі верш Якуба Коласа - Sputnik Беларусь
Відэа
Ваенныя, ратавальнікі і дыпламаты прачыталі верш Якуба Коласа

Кіраўнік Беларусі пажадаў калектыву музея шчасця, здароўя і ўвасаблення ў жыццё новых ідэй і планаў.

"Упэўнены, што ваш бесперапынны творчы пошук, энтузіязм і захопленасць сваёй справай будуць і надалей садзейнічаць папулярызацыі багатай спадчыны нашай краіны", - адзначыў Аляксандр Лукашэнка.

Музей Якуба Коласа размяшчаецца ў доме, дзе на працягу 12 гадоў разам з сям'ёй жыў і тварыў класік. Пасля смерці народнага паэта ЦК КПБ і Савета Міністраў БССР прынялі рашэнне аб адкрыцці музея. Установа пачала сваю працу 4 снежня 1959 года.

На першым паверсе будынка размешчана дакументальная экспазіцыя, а на другім - мемарыяльная. Сёння ў асноўным фондзе музея знаходзіцца больш за 31 тысячу экспанатаў. Сярод іх - асабістыя рэчы Якуба Коласа і яго дамачадцаў, яго кнігі, рукапісы і дакументы.

Стужка навiн
0