МІНСК, 15 сту - Sputnik. Амерыканскі часопіс US News & World Report апублікаваў рэйтынг лепшых краін свету.
Беларусь у ім заняла 70-е месца, годам раней наша краіна размяшчалася на 78-й пазіцыі. Усяго ў рэйтынг у 2020 годзе ўключаны 73 дзяржавы (у 2019-м іх было 80).
Пры складанні рэйтынгу ўлічваюцца многія фактары. У прыватнасці, развіццё прадпрымальніцтва (тут у Беларусі 50-е месца), папулярнасць у турыстаў (58). Прымаецца пад увагу стаўленне да ўласных грамадзянаў - тут значэнне маюць такія фактары як абарона правоў чалавека, экалогіі і гендэрнай роўнасці, па гэтым паказчыку ў Беларусі 56-я пазіцыя. Акрамя таго, у разлік ўключаюцца культурны ўплыў і гістарычная спадчына (у Сінявокай па абодвух пунктах 67-е месца), патэнцыял развіцця (60), адкрытасць для бізнесу (70), ваенная сіла (34) і якасць жыцця (68).
З краін-суседзяў Беларусі вышэй за ўсё ў ім размяшчаецца Расія, у якой 23-е месца, у Польшчы - 34-е, Эстоніі - 55-е, Літвы - 59-е, Латвіі - 62-е, Украіны - 68-е.
Першае месца заняла Швейцарыя, на другім - Канада (у гэтай краіны першае месца па якасці жыцця), на трэцім - Японія, на чацвёртым - Германія (у яе першае месца па развіцці прадпрымальніцтва), на пятым - Аўстралія. Далей ідуць Вялікабрытанія, ЗША (у іх першае месца па ваеннай сіле), Швецыя (першае месца ў адносінах да ўласных грамадзянаў), Нідэрланды і замыкае першую дзясятку Нарвегія.
Першае месца па такіх паказчыках як культурны ўплыў і гістарычная спадчына - у Італіі, па адкрытасці для бізнесу лідзіруе Люксембург, патэнцыял развіцця вышэй за ўсіх у ААЭ, больш за ўсё прыцягвае турыстаў Бразілія.
