У Беларусі прапануюць забараніць напоі ў вялікіх пластыкавых бутэльках

© Sputnik / Сергей Кузнецов / Перайсці ў медыябанкПластыкавыя бутэлькі на лініі разліву, архіўнае фота
Пластыкавыя бутэлькі на лініі разліву, архіўнае фота - Sputnik Беларусь
Падпісацца на
НовостиTelegram
Забарона закране не толькі піва, але і безалкагольныя напоі, пад яе могуць патрапіць паўтара-, двух-і пяцілітровыя пластыкавыя ёмістасці з вадой.

МІНСК, 21 сту - Sputnik. У Беларусі плануюць адмовіцца ад пластыкавай тары для напояў аб'ёмам больш за літр, паведаміў начальнік упраўлення рэгулявання абыходжання з адходамі галоўнага ўпраўлення рэгулявання абыходжання з адходамі, біялагічнай і ландшафтнай разнастайнасці Вадзім Дзямко.

Сартаванне і утылізацыя бытавых адходаў - Sputnik Беларусь
Колькасць адходаў у Беларусі за дзевяць гадоў вырасла ў два разы

"Плануецца для разліву алкагольных, слабаалкагольных і безалкагольных напояў прымяненне тары ёмістасцю не больш за 1 лiтр", - цытуе Дзямко БелТА.

Па словах Дзямко, вада, газаваныя напоі і піва ў пластыкавай тары ёмістасцю паўтара і два літры знікнуць з крамаў "да канца новай пяцігодкі, а то і раней". Для ажыццяўлення гэтага кроку неабходна ўнесці змены ў тэхнічныя рэгламенты.

Саўмін на мінулым тыдні прыняў пастанову №7, якім зацвердзіў план паэтапнага пераходу на экаўпакоўку.

Прыняты план прадугледжвае з 2021 года ўвядзеньне новых абмежаванняў па выкарыстанні пластыка. У прыватнасці, пад забарону трапляюць пэўныя віды палімерных матэрыялаў у выглядзе упакоўкі.

"У цяперашні час прапрацоўваецца з зацікаўленымі органамі дзяржкіравання пералік палімернай ўпакоўкі, якая будзе забароненая да выкарыстання. Мы спадзяемся, што пералік будзе ўжо ў першай палове гэтага года", - заявіў прадстаўнік Мінпрыроды.

Мінпрыроды: сабекошт пластыкавай і шкляной упакоўкі аднолькавы - Sputnik Беларусь
Мінпрыроды: сабекошт пластыкавай і шкляной упакоўкі аднолькавы

Сярод іншых крокаў, якія маглі б паспрыяць скарачэнню пластыка, - пераход на шматразовую ўпакоўку. Дзямко адзначыў, што ў буйных гандлёвых аб'ектах ужо ёсць такая альтэрнатыва аднаразовым поліэтыленавым пакетам.

"Ідзе паэтапнае замяшчэнне палімернай упакоўкі. Безумоўна, будзем імкнуцца да 100-адсоткавага замяшчэння, але пра тэрміны пакуль казаць рана", - удакладніў ён.

На пытанне, калі папяровыя пакеты стануць больш выгаднымі для пакупніка ў плане кошту, чым поліэтыленавыя, прадстаўнік Мінпрыроды адзначыў, што гэты аспект таксама прапрацоўваецца.

Стужка навiн
0